قاراعاندىدا ەسكى اۆتوكولىكتەردى قايتا وڭدەيتىن ورتالىق ازيادا تەڭدەسى جوق زاۋىت اشىلدى
بۇل جوبا 2015-2019 -جىلدارعا ارنالعان يندۋستريالدى- يننوۆاتسيالىق دامۋ مەملەكەتتىك باعدارلاماسى اياسىندا جۇزەگە اسۋدا.
سالتاناتتى شاراعا قاراعاندى وبلىسىنىڭ اكىمى ەرلان قوشانوۆ، ق ر ينۆەستيتسيا جانە دامۋ ءبىرىنشى ۆيتسە- ءمينيسترى اليك ايداربايەۆ، ق ر ەنەرگەتيكا ۆيتسە- ءمينيسترى عاني سادىبەكوۆ جانە وتاندىق اۆتووندىرۋشىلەر مەن ەكولوگيالىق ۇيىم وكىلدەرى قاتىستى.
ا. ايداربايەۆ ءوز سوزىندە جوبانىڭ ماڭىزدىلىعىنا توقتالىپ، ي ي د م ب ەكىنشى بەسجىلدىعىنىڭ نەگىزگى ماقساتى ەڭبەك ونىمدىلىگىن ارتتىرۋ مەن وڭدەلگەن تاۋار ەكسپورتىنىڭ كولەمىن ۇلعايتۋعا باعىتتالعان وڭدەۋ ونەركاسىبىنىڭ باسەكەگە قابىلەتىلىگىن ىنتالاندىرۋعا باسا نازار اۋدارۋ كەرەكتىگىن ەسكە سالدى.
ونىڭ ايتۋىنشا، مەملەكەت تاراپىنان قولداۋدىڭ كوپتەگەن تۇرلەرى مەن تاسىلدەرى ۇسىنىلادى (ناقتى جوبالاردىڭ ينفراقۇرىلىمى، ۇزاق مەرزىمدى ليزينگ پەن نەسيەلەۋ، جوبالاۋ كومپانيالارىنىڭ جارعىلىق كاپيتالىنا كىرۋ جانە ت. ب.).
ىستەن شىققان كولىكتەردى وڭدەيتىن زاۋىتتىڭ ورتالىق ازيادا تەڭدەسى جوق. سونداي- اق، قازاقستاننىڭ قايتا وڭدەۋ سالاسىنداعى ءىرى جوبالاردىڭ ءبىرى بولىپ سانالادى. جوبانى ىسكە اسىرۋعا جەرگىلىكتى بيلىك جان- جاقتى قولداۋ ءبىلدىردى. ءوندىرىس «سارى ارقا» ارنايى ەكونوميكالىق ايماعىندا قۇرىلىپ وتىر.
بۇل جوبا حالىقتىڭ دەنساۋلىعىن ساقتاۋعا جانە قورشاعان ورتانى قورعاۋعا، قالدىقتاردىڭ كەرى اسەر ەتۋىن قىسقارتۋ مەن الدىن الۋعا باعىتتالعان.
جاڭا زاۋىت يندۋستريا 4.0 جانە سيفرلاندىرۋ تالاپتارىنا جاۋاپ بەرەتىن زاماناۋي يتاليالىق قوندىرعىلارمەن جابدىقتالعان.
كەشەننىڭ بارلىق جۇمىسىن كومپيۋتەرلىك جۇيە باقىلايدى. ينتەرنەتتىڭ كومەگىمەن Ing. BONFIGLIOLI (يتاليا) كومپانياسىنىڭ ديسپەتچەرلىك قىزمەتىنە جۇگىنسەڭىز، ورىن العان كەلەڭسىز جاعدايلاردى رەتكە كەلتىرۋ جونىندە كەڭەس بەرەدى.
يتاليانىڭ «Bonfiglioli» ءوندىرۋشىسى شىعارعان شرەدەرلىك قۇرىلعى توزىعى جەتكەن كولىكتى جويىپ، مەتال رەتىندە قايتا وڭدەيدى. شرەدەرلىك كەشەننىڭ وندىرىستىك قۋاتى جىلىنا 50 مىڭ ەسكى كولىكتى جويۋعا جەتەدى. قۇرىلعى ءبىر ساعاتتا 25 اۆتوكولىكتى مەتالعا اينالدىرا الاتىن مۇمكىندىگى بار. ءدال وسىنداي زاماناۋي قۇرىلعىنى بۇگىنگى تاڭدا ا ق ش، يتاليا جانە ەۋروپانىڭ باسقادا دا ەلدەرىندە كەڭىنەن قولدانادى.
قازاقستاندا ەسكى اۆتوكولىكتەردى وڭدەيتىن العاشقى زاۋىت قۇرىلىسىن تولىق اياقتاۋ 2017 -جىلدىڭ جەلتوقسان ايىنا جوسپارلانىپ وتىر. ەكىنشى كەزەڭ اياسىندا پيرروليزدەۋ قۇرىلعىلارىن ورناتىپ، وڭدەۋ مۇمكىندىگىن 98 پايىزعا دەيىن جەتكىزۋ كوزدەلىپ وتىر.
قالدىقتان الىنعان ءتۇستى جانە قارا مەتالل قورىتپاسى ايماقتاعى مىس قورىتۋ كاسىپورنىنا جەتكىزىلەدى. وسىلايشا، ەكونوميكانىڭ ءوزارا بايلانىستى سالالارى اراسىندا مۋلتيپليكاتيۆتى ىقپالى ارتا تۇسەدى.
جوبانىڭ جالپى قۇنى شامامەن 3,4 ميلليارد تەڭگە (1, 2 كەزەڭ). 70 تەن استام جۇمىس ورنى اشىلادى.
