الماتى وبلىسىندا جەر كەزەگىندە تۇرعاندار دايىن ءۇي الادى - عالىمجان شالعىمبايەۆ
بۇل تۋرالى ايماقتىق كوممۋنيكاتسيالار قىزمەتىندە «قازاقستان تۇرعىن ءۇي جيناق بانكىنىڭ» الماتى وبلىسى بويىنشا ديرەكتورى عالىمجان شالعىمبايەۆ ايتتى.
ايتا كەتەيىك، قازىرگى ۋاقىتتا قازاقستان بويىنشا ينفراقۇرىلىمدى دامىتۋ «نۇرلى جەر» باعدارلاماسى بويىنشا تۇرعىن ۇيلەر سالىنىپ جاتىر. باعدارلامانىڭ ماقساتى تۇرعىن ءۇي قۇرىلىسىنىڭ تۇراقتى دامۋىن قامتاماسىز ەتۋ.
عالىمجان شالعىمبايەۆتىڭ ايتۋىنشا، ەندى جەرگە كەزەكتە تۇرعاندار جەر عانا ەمەس، دايىن ءۇي الاتىن بولادى.
«بۇل ۇيلەرگە ۇمىتكەرلەردىڭ ەكى شارتى بولۋى كەرەك. ءبىرىنشىسى ولار جەردىڭ كەزەگىندە تۇرۋى كەرەك، ەكىنشى «تۇرعىن ءۇي قۇرىلىس جيناق بانكىندە» سالىمى بولۋى كەرەك».
تۇرعىزىلاتىن ۇيلەردىڭ اۋماعى 80 جانە 123 شارشى مەتر، قۇنى 1 شارشى مەتر ءۇشىن 120000 تەڭگە بولادى. باعدارلاما بويىنشا، ءار ادام ءۇيدىڭ جالپى قۇنىنىڭ 30 پايىزىن جيناۋى كەرەك، سوسىن بانكتەن 5 پايىزدىق نەسيە الادى. وعان جەر كوميتەتىندە جەر كەزەگىندە تۇرعاندار عانا ۇمىتكەر بولا الادى»، - دەدى ول.
