وزبەكستان بيزنەسكە سالىناتىن سالىقتى تومەندەتپەك

بۇل تۋرالى وزبەكستان سالىق كوميتەتى مەن ەسەپ پالاتاسى باسشىلارىنىڭ قاتىسۋىمەن وتكەن حالىقارالىق باسپا ءسوز كلۋبىنىڭ كەزەكتى وتىرىسىندا بەلگىلى بولدى، دەپ حابارلايدى «قازاقپارات» ح  اا مەنشىكتى ءتىلشىسى.

اتاپ ايتقاندا، ءور پرەزيدەنتىنىڭ «سالىقتىق اكىمشىلەندىرۋدى تۇبەگەيلى جەتىلدىرۋ، سالىق جانە باسقا دا مىندەتتى تولەمدەردى جيناۋدى ارتتىرۋ شارالارى تۋرالى» جارلىعىنا سايكەس ەلدە سالىق اۋىرتپالىعىن تومەندەتۋ، كاسىپكەرلىكتىڭ دامۋى ءۇشىن قولايلى جاعداي تۋعىزۋ، شەتەل ينۆەستيتسياسىن تارتۋدى قامتاماسىز ەتەتىن سالىق جۇيەسى قالىپتاسادى.

بۇل رەتتە 2018-جىلعى 1- قاڭتاردان باستاپ سالىق باقىلاۋىنىڭ زاماناۋي نىسان - سالىق مونيتورينگى ەنگىزىلەدى، ول اعىمداعى سالىق سالۋ ماسەلەلەرىن شەشۋگە جان-جاقتى جاردەم بەرە وتىرىپ، سالىق تولەۋشىلەر مەن سالىق ورگاندارى اراسىنداعى كەڭەيتىلگەن اقپارات الماسۋدى كوزدەيتىن بولادى.