قىتايدا اپتاپ ىستىق كەزدە ەلەكتر جەلىلەرىنىڭ جۇكتەمەسى شەگىنە جەتتى

قىتايدىڭ State Grid ۇلتتىق ەلەكتر جەلىلەرى كورپوراتسياسىنىڭ حابارلاۋىنشا، 25- شىلدەدە ساعات 00.00 دە كۇللى ەل بويىنشا ەنەرگيانى وڭدەۋدىڭ تاۋلىكتىك كولەمى تاريحي ماكسيمۋمدى التى ەسەگە ەڭسەرىپ، ساعاتىنا 1,753 ميلليارد ك ۆ ت- نى قۇرادى.

بۇل رەتتە 31 ءوڭىردىڭ 24 ءى (سيانگان، اومەن جانە تايۆاندى قوسا العاندا) ەلەكتر جەلىلەرىنە جۇكتەمەدە رەكوردتىق دەڭگەيگە جەتتى.

باستاپقىدا سولتۇستىك جانە سولتۇستىك باتىستى قامتىپ، ارتىنشا حۋانحە وزەنىنەن وڭتۇستىككە قاراي ورنالاسقان اۋداندارعا جەتكەن 20 كۇننەن بەرگى اپتاپ ىستىقتىڭ بەتى قايتار ەمەس.

19 وڭىردە 40 گرادۋس جانە ودان جوعارى تەمپەراتۋرا تىركەلدى، دەپ ءمالىم ەتتى ەلەكتر ەنەرگەتيكاسى بويىنشا ۇلتتىق باقىلاۋ-ديسپەتچەرلىك ورتالىق باسشىسىنىڭ ورىنباسارى ۆان يۋيلين.

سولتۇستىك قىتايدا، سونداي-اق ەلدىڭ شىعىس، سولتۇستىك-شىعىس بولىكتەرىندە ەلەكتر جەلىلەرىنە جۇكتەمە رەكورد ورناتۋدا، دەپ اتاپ ءوتتى ول.

25- شىلدەدە چجەتسزيان پروۆينتسياسىندا جۇكتەمە 74,85 ميلليون ك ۆ ت- عا، تسزيانسۋ پروۆينتسياسىندا 24- شىلدەدە ەلەكتر تۇتىنۋ كۇللى جەرگىلىكتى تاريحتا العاش رەت ساعاتىنا 100 ميلليون ك ۆ ت بەلگىسىنەن اسىپ ءتۇستى.