ادامدى ۆەب-كامەرا ارقىلى باقىلايتىن تىڭشى ۆيرۋس پايدا بولدى

ونىڭ پايدا بولعانىنا 3 جىل تولعان جانە وتە جوعارى مۇمكىندىكتەرگە يە بولىپ شىقتى. ازىرگە بۇل ۆيرۋس مۇمكىندىكتەرىن قالاي قولدانۋعا بولاتىنى بەلگىسىز. FruitFly ("جەمىس شىبىنى") اتالاتىن ۆيرۋستى بيىل Malwarebytes انتيۆيرۋس كورپوراتسياسى شىعارعان. "جەمىس شىبىنى" بيومەديتسينالىق لابوراتوريا كومپيۋتەرلەرىندە 2014 -جىلدان بەرى تىعىلىپ جاتقان. ساراپشىلاردىڭ ايتۋىنشا، Malwarebytes انتيۆيرۋسى "شىبىندى" تەز انىقتاپ، وعان توسقاۋىل قويا الادى.

دەسە دە، بۇدان حاباردار بولعان Apple كومپانياسى ءوز ونىمدەرىنىڭ قورعانىسىن كۇشەيتۋگە كىرىسىپ كەتكەن بولاتىن. ءبىراق، بىرنەشە ايدان كەيىن، ءدال وسىمەن بىردەي ەكىنشى ۆيرۋس شىقتى. ونى FruitFly 2 دەپ اتاپ كەتكەن. ال بۇل ۆيرۋستى ەشقانداي انتيۆيرۋس انىقتاي المايدى. ۆيرۋستىڭ نەگىزگى بەلسەندىلىگى تۇتىنۋشى ءىس-ارەكەتتەرىنە تىڭشىلىق جۇرگىزۋ. ول ادامدى ۆەب-كامەرا ارقىلى قاداعالاپ وتىرادى، ەكراننىڭ فوتوتۇسىرىلىمدەرىن جاسايدى، قولدانۋشى باسقان ءاربىر تەتىكتى ءتىزىپ وتىرادى جانە حاكەردى كومپيۋتەر يەسىنىڭ قانداي ارەكەتتەر جاساعانىنان حاباردار ەتەدى. ءبىر قىزىعى، ۆيرۋس ادامنىڭ جەكە ەلەكتروندى يەلىگىن ۇرلامايدى، تەك تىڭشىلىقپەن عانا شەكتەلەدى. بۇل ۆيرۋستى ا ق ش ۇلتتىق قاۋىپسىزدىگى اگەنتتىگىنىڭ بۇرىنعى حاكەرى پاتريك ۋوردل انىقتاعان.

ءبىراق، ول جەكە ادامدار تۋرالى اقپاراتتى ءوز پايداسىنا جۇمساماي، بولعان جايتتى ۇ ق ك- نە حابارلاعان. قازىر فەدەرالدى اگەنتتىك FruitFly ۆيرۋسىن كىم ويلاپ تاپقانىن جانە ونىڭ قالاي جۇمىس جاسايتىنىن انىقتاپ جاتىر.

Massaget.kz