07:57, 28 - شىلدە 2017 | GMT +5
ءسابينا التىنبەكوۆا ينتەرنەتتە ءوز كيىم جەلىسىنىڭ ساتىلىمىن باستادى - فوتو
استانا. قازاقپارات - قازاقستاندىق تانىمال ۆولەيبولشى قىز ءسابينا التىنبەكوۆانىڭ كيىم جەلىسىنىڭ ونلاين ساتىلىمى باستالدى، - دەپ حابارلايدى Vesti.kz ءتىلشىسى.
بۇل مالىمەتتى ۆولەيبولشى قىزدىڭ اناسى ءارى مەنەدجەرى ءنۇريپا التىنبەكوۆا راستادى.
«كەشە ءبىز ونلاين دۇكەنىمىزدى اشتىق»، - دەپ حابارلادى ءسابينا التىنبەكوۆانىڭ اناسى.
سونداي-اق، ول كيىمدەردىڭ بۇكىل الەم بويىنشا ساتىلىمعا شىعاتىنىن ايتىپ ءوتتى. «ەندى بۇل كيىم-كەشەكتەر شەتەلدىكتەرگە دە قولجەتىمدى بولادى. ونلاين ساتىلىمدى كەشە عانا باستادىق. تاڭعى ساعات بەستە جاپونيادان ساتىپ الۋشىلار بولدى»، - دەيدى ءنۇريپا التىنبەكوۆا.
وسىعان دەيىن جەلىدە ءسابينا التىنبەكوۆانىڭ كيىم جەلىسىنىڭ سۋرەتتەرى پايدا بولعان ەدى: جەيدەلەر، سۆيتشوتتار، سپورتتىق كوستيۋمدەر سياقتى كيىمدەر.
