يتاليا عالىمدارى باكتەريادان قوزعالتقىش جاساپ شىعاردى
استانا. قازاقپارات - يتاليالىق عالىمدار ويلاپ تاپقان جاڭا قۇرىلعىنىڭ مولشەرى نەبارى 50-اق ميكرونعا تەڭ. نانوتەحنولوگيالار ينستيتۋتىنىڭ ماماندارى باكتەريانىڭ سۋدا ءجۇزۋ مۇمكىندىگىن پايدانالا وتىرىپ، ونى گەندىك موديفيكاتسيادان وتكىزدى، دەپ حابارلايدى حابار 24 تەلەارناسى.
1 جاسۋشالى اعزالار شەڭبەردى مينۋتىنا 2 رەت اينالا الادى. عالىمدار بۇل پروتسەستى جارىق ارقىلى باقىلاۋدى ۇيرەنگەن. كىشىگىرىم قوزعالتقىش جارىق ساۋلەسى تۇسكەندە جىلجيدى، ال تۇندە توقتايدى. جوبا جەتەكشىسى فيزيك روبەرتو دي لەوناردونىڭ پىكىرىنشە، كەلەشەكتە باكتەريالىق قوزعالتقىشتىڭ جۇمىسىن كومپيۋتەرگە باعىندىرىپ، اۆتوماتتاندىرۋعا بولادى.
«ءبىز باكتەريالىق قوزعالتقىشتىڭ ەڭ جوعارى جىلدامدىعىنا قول جەتكىزدىك. 1 جاسۋشالى اعزالار دوڭگەلەكتى ودان اسقان جىلدامدىقپەن يتەرە المايدى. ولاردىڭ ارەكەتتەرىن قاداعالاپ وتىرامىز. سوندىقتان ءبىز ويلاپ تاپقان تەحنولوگيا قولدانىسقا وتە ءتيىمدى. مەنىڭ ويىمشا، ءبىز ميكروروبوتتار سالاسىن دامىتۋدا ۇلكەن قادام جاسادىق»، - دەيدى يتاليانىڭ ۇلتتىق زەرتتەۋ كەڭەسى نانوتەحنولوگيالار ينستيتۋتىنىڭ فيزيگى روبەرتو دي لەوناردو.
