استانا-پاۆلودار جولى بيىل پايدالانۋعا بەرىلەدى
بۇل تۋرالى بۇگىن ۇكىمەتتە «نۇرلى جول» مەملەكەتتىك باعدارلاماسىنىڭ 2017-جىلدىڭ I جارتى جىلدىعىندا ىسكە اسىرىلۋىنىڭ نەگىزگى قورىتىندىسىن تالقىلاۋ بارىسىندا ق ر ينۆەستيتسيالار جانە دامۋ ءمينيسترى جەڭىس قاسىمبەك ءمالىم ەتتى، دەپ حابارلايدى قازاقپارات.
«ورتالىق-شىعىس جوباسى جۇزەگە اسىرىلا باستاعان ساتتەن 230 شاقىرىم جول پايدالانۋعا بەرىلدى. اعىمداعى جىلى جوبانى جۇزەگە اسىرۋعا 106 ميلليارد تەڭگە ءبولىندى. 675 شاقىرىم جولدا جۇمىستار جۇرگىزىلۋدە. جىل قورىتىندىسى بويىنشا استانا-پاۆلودار ۋچاسكەسىنىڭ 230 شاقىرىمىندا 4 جولاقتى قوزعالىستى قامتاماسىز ەتۋدى جوسپارلاپ وتىرمىز. سونىمەن قاتار سەمەي- قالباتاۋ بولىگىندەگى ۇزىندىعى 36 شاقىرىمدىق سوڭعى ۋچاسكە تولىقتاي اياقتالماق. 2018-جىلى جوبانى بىتىرەمىز»، - دەدى مينيستر.
ونىڭ ايتۋىنشا، ورتالىق-باتىس جوباسى بويىنشا استانا-قوستاناي اۆتوجولى جانە اقتوبە- قارابۇتاق-دەنيسوۆكا ۋچاسكەسىن قايتا جاڭعىرتۋ جۇمىستارى تولىق اياقتالدى. 2020-جىلعا دەيىن 114 شاقىرىمدىق دەنيسوۆكا-قوستاناي ۋچاسكەسىن اياقتاۋ جوسپارلانعان.
«اعىمداعى جىلى اقتوبە-اتىراۋ-استراحان اۆتوجولىن قايتا جاڭعىرتۋدى باستاپ، بەينەۋ-اقتاۋ اۆتوجولىن اياقتايتىن بولامىز»، - دەدى جەڭىس قاسىمبەك.
اۆتور: مارلان جيەمباي
