ورالدا ۇلتتىق ۇلاننىڭ جاس لەيتەنانتتارى باس قوستى
ولار «باتىس» وڭىرلىك قولباسشىلىعى باسقارماسى بازاسىندا وقۋ-ادىستەمەلىك جيىندا باس قوستى، دەپ حابارلايدى «قازاقپارات» ءتىلشىسى.
«باتىس» وڭىرلىك قولباسشىلىعىنىڭ باسپا ءسوز قىزمەتىنەن تۇسكەن مالىمەتكە قاراعاندا، جيىن ماقساتى - جاس ساردارلاردى جاڭا قىزمەتتى قابىلداۋدا قاجەتتى بىلىممەن قارۋلاندىرۋ.
جيىن باسشىسى، ق ر ۇلتتىق ۇلانى «باتىس» وڭىرلىك قولباسشىسىنىڭ ورىنباسارى، پولكوۆنيك پاۆەل سيتنيكوۆ ينستيتۋت تۇلەكتەرىن اسكەري بولىمدەردىڭ ەرەكشەلىكتەرىمەن، بيىلعى ءبىرىنشى جارتى جىلدىقتاعى قىزمەت ناتيجەلەرىمەن تانىستىرىپ، ساۋالدارىنا جاۋاپ بەردى.
جيىن بارىسىندا جاس ساردارلارمەن «باتىس» وڭىرلىك قولباسشىسى، گەنەرال-مايور الىبەك سەراليەۆ كەزدەسىپ، ولارعا بارلىق جاعدايدىڭ جاسالاتىنىن جەتكىزىپ، جاۋاپتى قىزمەتتەرىن ءمىنسىز اتقارا بىلۋلەرىنە تىلەكتەستىگىن ءبىلدىردى.
ءۇش كۇندىك جيىن كەزىندە جاس ساردارلارعا باستى قۇجاتتاردىڭ نەگىزگى تالاپتارى ءتۇسىندىرىلىپ، ولاردىڭ ءبىلىم دەڭگەيى تەكسەرىلدى. لەيتەنانتتار جيىننان كەيىن وزدەرى قىزمەت ەتەتىن اسكەري بولىمدەرگە بەت الدى.
