ا ق ش- تا زەينەتكەر ايەل تاكسيدى ايداپ كەتىپ، كليەنتتەردى جەتكىزىپ سالعان
استانا. قازاقپارات - فيلادەلفيا پوليتسياسى 65 جاستاعى بەتتي توماس (Betty Thomas) بەيسەنبى كۇنى تۇنگى ۋاقىتتا ويىنحاناعا جەتۋ ءۇشىن تاكسي ۇستاعانىن ايتتى، دەپ حابارلادى Associated Press.
جولشىباي ول سۋ ساتىپ العىسى كەلىپ، جۇرگىزۋشىدەن جانارماي قۇيۋ ستاناسىنا سوعۋىن وتىنەدى. ايەلدىڭ دۇكەنگە جەتۋىنە كومەكتەسۋ ءۇشىن جۇرگىزۋشى كولىكتەن شىعادى.
پوليتسيا تولەمگە قاتىستى ولاردىڭ اراسىندا جانجال تۋىنداعانىن اتاپ ءوتتى. وسىدان كەيىن كەيۋانا كولىكتىڭ رۋلىنە وتىرىپ، كەتىپ قالعان.
جارتى ساعاتتان كەيىن پوليتسەيلەر تاكسيدى توقتاتىپ، ارتقى ورىندىقتا 23 جاستاعى ايەل مەن ونىڭ كىشكەنتاي قىزىنىڭ وتىرعانىن كورەدى.
ول كولىكتىڭ ۇرلانعانىنا ەش كۇدىكتەنبەي، تاكسي شاقىرتقانىن ءمالىم ەتكەن. ونىڭ ايتۋىنشا، دىتتەگەن جەرىنە جاقىنداعان سوڭ جولاقى تولەمەك بولىپ جاتقان. توماس تۇتقىندالدى.
ول «ۇرلىقتىڭ بىرنەشە ءتۇرى» بويىنشا ايىپتالدى. ايەلدىڭ باسقا جولاۋشىلاردى باراتىن جەرلەرىنە جەتكىزگەن-جەتكىزبەگەنى بەلگىسىز.
