اق ءۇيدىڭ جاڭا باسپا ءسوز حاتشىسى تاعايىندالدى

بۇل تۋرالى قوعاممەن بايلانىس جونىندەگى قىزمەتتىڭ ديرەكتورى ەنتوني سكارامۋچچي ءمالىم ەتتى، دەپ حابارلايدى قازاقپارات «Reuters» - كە سىلتەمە جاساپ.

«ول باسپا ءسوز حاتشىسى بولادى»، - دەپ ءمالىم ەتتى جۋرناليستەرگە سكارامۋچچي. بۇعان دەيىن حابارلاعانىمىزداي، ا ق ش پرەزيدەنتىنىڭ باسپا ءسوز حاتشىسى شون سپايسەر وتستاۆكاعا كەتۋگە ءوتىنىش بەرگەن بولاتىن.

وعان سپايسەردىڭ امەريكا باسشىسى دونالد ترامپپەن كادرلىق ماسەلەلەرگە قاتىستى كەلىسپەۋشىلىگى سەبەپ بولعان.

ول قارجىگەر ەنتوني سكارامۋچچيدىڭ اق ءۇيدىڭ كوممۋنيكاتسيالار جونىندەگى ديرەكتورى بولىپ تاعايىندالۋىنا قارسى شىققان. ترامپ سپايسەرگە باسپا ءسوز حاتشىسى قىزمەتىندە قالۋدى ۇسىنعانىمەن، ول ودان باس تارتىپ، سكارامۋچچيدىڭ تاعايىندالۋىن «ۇلكەن قاتەلىك» دەپ اتادى.

شون سپايسەر امەريكا پرەزيدەنتىنىڭ باسپا ءسوز حاتشىسى قىزمەتىنە 2017-جىلدىڭ 20- قاڭتارىندا تاعايىندالعان بولاتىن.