ۇل تۋۋ ءۇشىن ءبىر جىلدا ءتورت رەت تۇسىك جاساتقان قىتايلىق كەلىنشەك كوز جۇمدى
استانا. قازاقپارات - شىعىس قىتايدىڭ تۇرعىنى ءبىر جىلدا ءتورت رەت تۇسىك جاساتىپ، كوز جۇمدى.
سەبەبى كۇيەۋى «ۇل كەرەك» دەپ تالاپ قويعان. كەلىنشەكتىڭ كوتەرگەن ءتورت قۇرساعى دا قىز بولعان. سول سەبەپتى دە ءتورت مارتە تۇسىك جاساتقان.
قىتايدا 1979 -جىلدان بەرى «ءبىر وتباسى - ءبىر بالا» ساياساتى جۇرگىزىلگەن بولاتىن. ال بىلتىر ءار وتباسىعا ەكى بالا تۋۋعا مۇمكىندىك بەرىلدى. بۇل وتباسىندا ءبىر قىز بولعان. جولداسى سول سەبەپتى دە وزىنە مۇراگەر تۋىپ بەرۋىن تالاپ ەتىپتى.
ءتورتىنشى تۇسىك جاساتقاننان كەيىن كۇيەۋى كەلىنشەگىن تاستاپ كەتكەن. ال ايەل بولسا دەنساۋلىعى سىر بەرىپ، دارىگەرلەرگە جۇگىنگەن. دارىگەرلەر ەش كومەك كورسەتە الماي، اعزاسى السىرەگەن ايەل كوز جۇمعان.
دەرەككوز: life.ru
