ورىنبورلىق ستۋدەنت جالعا العان كولىكتەرىن قازاقستاندىقتارعا ساتقان

پوليتسيا قىزمەتكەرلەرى ورىنبور ج و و- لارىنىڭ ءبىرىنىڭ 21 جاستاعى ستۋدەنتى جالعا العان بولىپ، كولىكتەردى ۇرلاعانىن انىقتادى. قاسكۇنەم ينتەرنەت-سايتتارداعى جارنامادان تاۋىپ، كولىك يەلەرىمەن كەزدەسۋگە ۋاعدالاسىپ، جالعا الىنعان كولىكتەردى قازاقستانعا ساتىپ وتىرعان. جەدەل ىزدەۋ شارالارى بارىسىندا كۇدىكتىنىڭ قىلمىس جاساعانى انىقتالىپ، ۇستالدى.

قازىرگى ۋاقىتتا پوليتسيا قىزمەتكەرلەرى ونىڭ 4 كولىكتى («داسۋن»، «لادا گرانتا» ماركالى كولىكتەر جانە ەكى «لادا كالينا» كولىگى) ۇرلاعانىن انىقتادى. ۇرلانعان كولىكتەردى ساتقان كۇدىكتى 150 000 رۋبل پايدا تاپقان. پوليتسەيلەر جاپا شەگۋشىلەردىڭ ءبىرىنىڭ قۇنى 466 000 رۋبل تۇراتىن كولىگىن قايتاردى.

تەرگەۋ جالعاسا بەرمەك، ونىڭ وسىعان ۇقساس قىلمىستارعا قاتىستىلىعىنىڭ بار-جوعى تەكسەرىلۋدە. بۇدان بۇرىن 21 جاستاعى ورىنبورلىق جىگىت ۇرلىق جاساعانى ءۇشىن قىلمىستىق جازاعا تارتىلعان. قازىرگى ۋاقىتتا اتالمىش فاكتى بويىنشا ر ف ق ك 159-بابى 2-بولىگىنە سايكەس قىلمىستىق ءىس قوزعالدى. باپ سانكسياسى 5 جىلعا دەيىنگى باس بوستاندىعىنان ايىرۋ جازاسىن كوزدەيدى.