سوندەرستىڭ پروموۋتەرى گولوۆكينمەن العاشقى كەلىسسوزدەر وتكىزدى
«ەندى جوسپار تۇسىنىكتى بولدى: ەگەر سوندەرس مونرونى جەڭسە، «كانەلو» - گولوۆكين بلوكباستەرىنىڭ جەڭىمپازىمەن كەزدەسۋ ءۇشىن پوۋل-پوزيشن بولادى. بۇل جونىندەگى الدىن الا كەلىسسوزدەر ءوتىپ قويدى. بيلل ايقاستارىن توقتاتپاعانىن قالايمىز، سوندىقتان اتالمىش ەكى جىگىتتىڭ بىرىمەن ايقاستىڭ داتاسى جەلتوقسانعا بەلگىلەنەتىنى انىق كورىنىس تابۋدا. سول سەبەپتى بيلل مونرومەن جەكپە-جەگىندە ءوز جۇمىسىن جاساۋى ءتيىس.
«كانەلو» - گولوۆكين ايقاسى كلاسسيكا بولاتىنىنا كۇمانىم جوق. جانە ول اياقتالا سالىسىمەن ريەۆانش وتكىزۋ تۋرالى ۇندەۋلەر بولادى، گولوۆكين جەڭىسكە جەتكەن جاعدايدا ريەۆانش تۋرالى تارماق كورسەتىلگەن. الايدا، بۇل كەزەكتى مەكسيكالىق مەرەكەگە دەيىن بولا قويماس، سەبەبى ول كەلەسى جىلى ءبىراق وتەدى»، - دەپ جازدى ۋوررەن Boxingscene.com سايتىنداعى ءوز باعانىندا.
ايتا كەتەيىك، گولوۆكين- الۆارەس جەكپە-جەگى 16- قىركۇيەكتە ا ق ش- تىڭ لاس-ۆەگاس قالاسىندا وتەدى. قازىردىڭ وزىندە بارلىق بيلەتتەر ساتىلىپ كەتكەن. ۋاقىت ايىرماشىلىعىنا بايلانىستى اتالعان جەكپە-جەك قازاقستاندا 17- قىركۇيەك كۇنى تاڭەرتەڭ كورسەتىلەدى. سول كۇنى سوندەرس لوندوندا كىشى ۆيللي مونرومەن (21-2, 6 ك و) كەزدەسەدى.
ەسكە سالساق، گولوۆكينگە ءوز ديۆيزيونىنداعى بارلىق بەلدىكتىڭ باسىن بىرىكتىرۋ ءۇشىن سوندەرستىڭ WBO بەلدىگى عانا جەتىسپەي تۇر.
