ەلۋگە جۋىق سودىر فيليپپين پرەزيدەنتى كۇزەتشىلەرىنە شابۋىل جاسادى
استانا. قازاقپارات - ۇكىمەت اسكەرى وكىلدەرىنىڭ كيىمدەرىن كيگەن 50-گە جۋىق سودىر فيليپپين پرەزيدەنتى رودريگو دۋتەرتەنىڭ كۇزەتى مەن ەكى اۆتوكولىككە وق جاۋدىردى.
انادولى اگەنتتىگىنىڭ حابارلاۋىنشا، ەكسترەميستىك توپ مەملەكەت باسشىسىنىڭ قاۋىپسىزدىك قىزمەتىنە كوتاباتو پروۆينتسياسىنداعى باقىلاۋ- وتكىزۋ پۋنكتتەرىنىڭ بىرىندە وق جاۋدىرعان.
شابۋىل بارىسىندا جەتى اسكەري قىزمەتكەر جاراقات الدى. ولاردىڭ قازىرگى جاعدايى جايلى ازىرگە ەشقانداي مالىمەت جوق.
ايتا كەتەيىك، فيليپپين پرەزيدەنتىنىڭ ءوزى بۇل ۋاقىتتا باسقا جاقتا بولعان. ونىڭ كۇزەت قىزمەتكەرلەرى جاقىندا دۋتەرتە وسى قالاعا كەلەتىن بولعاندىقتان، قاۋىپسىزدىك شارالارىن جۇرگىزۋ ماقساتىندا كاگايان- دە- ورو قالاسىنا شىققان.
