باحتيار ارتايەۆ: برەندون كۋك - قانات يسلامعا لايىقتى قارسىلاس

استانا. قازاقپارات - وليمپيادالىق چەمپيون، ۆەل باركەر كۋبوگىنىڭ يەگەرى باحتيار ارتايەۆ قىركۇيەكتە وتانداسى قانات يسلام مەن كانادالىق برەندون كۋك اراسىندا وتەتىن ايقاسقا قاتىستى ءوز پىكىرىن ءبىلدىردى، دەپ حابارلادى «قازاقپارات» ح ا ا ءتىلشىسى.

 ارتايەۆ يسلامعا جەڭىس تىلەي وتىرىپ، بۇل جەكپە- جەكتى اسىعا كۇتىپ جۇرگەنىن اتاپ ءوتتى. ول سونداي- اق كۋك «قازاق» ءۇشىن لايىقتى قارسىلاس. «العا قويىلعان ماقساتتارعا جەتۋ ءۇشىن - تاياۋ جىلدارى ەڭ بەدەلدى تۇجىرىمدار بويىنشا الەم چەمپيونى بولۋ ءۇشىن قانات يسلام مىقتى قارسىلاستارمەن جۇدىرىقتاسۋى ءتيىس. برەندون كۋك بۇل ولشەمدەرگە سايكەس كەلەدى. ماعان قازىرگى ۋاقىتتا قانات يسلام الماتىعا جاقىن الەمدىك بوكس اكادەمياسى بازاسىندا بوكس كەشىنە قىزۋ دايىندىقتا ەكەنى بەلگىلى»، - دەدى وليمپيادالىق چەمپيون.

ونىڭ ايتۋىنشا، بۇل كەشكە باسقا دا بەلگىلى قازاقستاندىق بىلعارى قولعاپ شەبەرلەرى قاتىسادى. «بۇل ءىرى شارا اياسىندا ءبىرقاتار بەلگىلى كاسىبي بوكسشىلارىمىز ونەر كورسەتەدى. ەلوردالىق اكىمدىككە، ق ر مادەنيەت جانە سپورت مينيسترلىگىنە، «سامۇرىق- قازىنا» قورىنا، «استانا- ەكسپو-2017» ۇلتتىق كومپانياسىنا وسىنداي ءىرى بوكس كەشىن ۇيىمداستىرىپ جاتقانى ءۇشىن العىس ايتامىن. بارشا قازاقستاندىقتارمەن بىرگە بۇل كەشتى اسىعا كۇتىپ ءجۇرمىن»، - دەدى ارتايەۆ.

الداعى جەكپە- جەك جايلى ءوز پىكىرىن وليمپيادالىق ويىنداردا ۇلتتىق قۇرامنىڭ باپكەرى تۇرسىنعالي ەدىلوۆ تە ءبىلدىردى. ول كۋك كاسىبي رينگتە جەڭىلىپ كورمەگەنىن، قانات يسلاممەن تارتىستى جەكپە- جەك وتكىزەتىنىن ايتتى.