شىمكەنتتە توقتاپ قالعان توقىما فابريكاسى جۇمىسىن قايتا باستادى

شىمكەنت. قازاقپارات - شىمكەنتتە توقتاپ قالعان «OxyTextile» ج ش س- توقىما فابريكاسى جۇمىسىن قايتا باستادى. سەرىكتەستىك « Azala Cotton-مەن» مۇلىكتىك كەشەنىن بىرىكتىرىپ، « Azala Cotton» ج ش س بولىپ قايتا قۇرىلدى، دەپ حابارلايدى قازاقپارات ح ا ا ءتىلشىسى.

« Azala Cotton» فابريكاسىن اشۋ ءۇشىن وسى جىلدىڭ ناۋرىز ايىندا ينفراقۇرىلىم جۇرگىزۋ، قۇرال جابدىقتار مەن وندىرىستىك تسيكلدى قالپىنا كەلتىرۋ شارالارى قولعا الىندى. قازىرگى تاڭدا قوندىرعىلاردى ىسكە قوسۋ جۇمىستارى اياقتالدى. بۇگىندە اتالعان كاسىپورىندا 300-گە جۋىق ادام جۇمىس ىستەيدى. كاسىپورىن جىلىنا 6 مىڭ توننا كاردالىق جانە تارالعان ماقتا ءيىرىم جىپتەرىن وندىرۋگە قاۋقارلى. زاۋىت ونىمدەرى ت م د مەن الىس- جاقىن شەتەلدەرگە ەكسپورتتالادى دەپ جوسپارلانۋدا.

جالپى، جوباعا تارتىلعان ينۆەستيتسيانىڭ كولەمى - 5,4 ميلليارد تەڭگەنى قۇرايدى.

 اۆتور: اينۇر اقبايەۆا