ەكى مىڭعا جۋىق قازاقستاندىقتىڭ تۇركياعا بارۋىنا تىيىم سالىندى

باياندامادا حالىقارالىق لاڭكەستىكتىڭ تارالۋىمەن كۇرەس باعىتىندا تۇركيا ۇكىمەتى قابىلداعان شارالاردىڭ قاتارىندا تەررورلىق ۇيىمدارمەن بايلانىستى تۇلعالاردىڭ ەل اۋماعىنا كەلۋىن بولدىرماۋ ماقساتىن كوزدەيتىن تاۋەكەلدەردى ساراپتاۋ بولىمشەسىن قۇرۋ شاراسى بار ەكەندىگى حابارلانعان.

2014-جىلدىڭ ءساۋىر ايىندا قۇرىلعاننان باستاپ اتالعان بولىمشەلەر لاڭكەستىك توپتارمەن بايلانىسى بار دەپ كۇدىكتەلگەن 17500 شەتەلدىك ازاماتتى تەكسەرۋدەن وتكىزدى، ولاردىڭ 4550 ءىن ەلدەن شىعارىپ جىبەردى.

تۇركيا رەسپۋبليكاسىنىڭ اۋماعىنا وتۋگە تىيىم سالىنعان تۇلعالار قاتارىندا 1914 قازاقستاندىق، 4128 رەسەيلىك ازامات، 2651 تاجىك، سونداي-اق، 1677 ازەربايجاندىق تۇرعىن بار.

تىزىمدە ەڭ كوبى ساۋد ارابياسىنىڭ ازاماتتارى (7523)، ال، ەۋروپا ەلدەرىنەن - فرانسيا (2622).

ايتا كەتەيىك، تۇركيا ەلدەگى مينيسترلەر كەڭەسىنىڭ شەشىمىمەن د ا ي ش- تى 2013-جىلى لاڭكەستىك ۇيىم رەتىندە جاريالاعان بولاتىن.