16:20, 15 - شىلدە 2017 | GMT +5
الۆارەستىڭ گولوۆكينگە قارسى دايىندىعىنا قازاقستاندىق بوكسشى كومەكتەسەدى
استانا. قازاقپارات - قازاقستاندىق بوكسشى بوبيرجان مومينوۆ مەكسيكالىق ساۋل الۆارەستىڭ سپاررينگ- كومەكشىسى بولادى، دەپ حابارلايدى قازاقپارات ءتىلشىسى الەۋمەتتىك جەلىدەگى "قازاقستاننىڭ كاسىبي بوكسى" توبىنا سىلتەمە جاساپ.
"ەرتەڭ بوبيرجان مومينوۆ الۆارەستىڭ كاليفورنياداعى جاتتىعۋ لاگەرىنە اتتانادى. كاسىبي بوكستا مومينوۆ ءۇش رەت جەڭىسكە جەتكەن. ۇشەۋى دە نوكاۋتپەن اياقتالدى"، - دەلىنگەن حابارلامادا. ايتا كەتەيىك، گولوۆكين- الۆارەس جەكپە-جەگى 16 -قىركۇيەكتە ا ق ش- تىڭ لاس- ۆەگاس قالاسىندا وتەدى. قازىردىڭ وزىندە بارلىق بيلەتتەر ساتىلىپ كەتكەن. ۋاقىت ايىرماشىلىعىنا بايلانىستى اتالعان جەكپە-جەك قازاقستاندا 17 -قىركۇيەك كۇنى تاڭەرتەڭ كورسەتىلەدى.
اۆتور: ارمان اسقاروۆ
