حايۆيلدەگى ءورت: قازا تاپقان شەتەلدىك نازاربايەۆ ۋنيۆەرسيتەتتىڭ پروفەسسورى بولعان

 «كەندجي ەلاي 2016 -جىلدىڭ ماۋسىم ايىنان بەرى نازاربايەۆ ۋنيۆەرسيتەتتىڭ مەديتسينا مەكتەبىندە پروفەسسور بولىپ جۇمىس ىستەگەن. ول لەستەر ۋنيۆەرسيتەتىنىڭ ( ۇلى بريتانيا) مەديتسينا دوكتورى دارەجەسىن العان جانە 40 جىلدان استام ۋاقىت بويى نيگەريادا، وماندا، كۋۆەيت پەن  ۇلى بريتانيادا مەديتسينا سالاسىندا عىلىمي- زەرتتەۋ جانە ۇستازدىق قىزمەتپەن اينالىسقان. بۇل ۋاقىت ارالىعىندا جەتى عىلىمي- زەرتتەۋ گرانتىن جەڭىپ الىپ، جۇزەگە اسىرعان»، - دەپ حابارلادى باسپا ءسوز قىزمەتى.

 پروفەسسورمەن بىرگە ونىڭ ايەلى جانە ەكى قىزى دا مەرت بولدى. نازاربايەۆ ۋنيۆەرسيتەتتىڭ باسشىلىعى مەن ۇجىمى ورنى تولماس قازاعا وكىنىش بىلدىرەدى جانە پروفەسسور ەلايدجي كەحيندەنىڭ تۋىستارى مەن جاقىندارىنا كوڭىل ايتادى.

 ەسكە سالا كەتسەك، بۇگىن تاڭەرتەڭ «حايۆيل» ت ك پاتەرىنەن ءورت تۇتانىپ، 4 ادام قازا تاپتى. استانا قالاسى ءى ءى د انىقتاعانداي، قازا تاپقاندار - 1953 -جىلى تۋعان نيگەريا ازاماتى، ونىڭ زايىبى - 1963 -جىلى تۋعان  ۇلى بريتانيا ازاماتشاسى، 8 جانە 17 جاستاعى كامەلەتتىك جاسقا تولماعان بالالار ەكەنى انىقتالدى. الدىن الا بولجام بويىنشا، ءورت جەلىلەردىڭ تۇيىقتالۋىنان تۇتانعان.