ايدىڭ شاڭ- توزاڭى اۋكسيوندا ساتىلادى

شاڭ مەن ۇساق تاستاردى استروناۆت نيل ارمسترونگ ايعا ساپارى كەزىندە جيناپ اكەلگەن بولاتىن، دەپ حابارلايدى Baq.kz.

ءباسساۋدا ۇيىمداستىرۋشىلارى ايدىڭ شاڭ- توزاڭى مەن ۇساق تاستار سالىنعان كىشكەنتاي قاپتان ەكىدەن ءتورت ميلليون دوللارعا دەيىن پايدا كورۋدى جوسپارلاپ وتىر.

بۇعان قوسا، ادامزاتتىڭ ايعا العاش رەت قونعانىنا 48  جىل تولۋىنا وراي ۇيىمداستىرىلعالى وتىرعان اۋكسيوندا عارىشپەن بايلانىستى باسقا دا ارتەفاكتىلەر قويىلادى. ولاردىڭ اراسىندا يۋري گاگاريننىڭ اعىلشىن تىلىندەگى ەسەبى (50 مىڭ دوللار) ، سكافاندرداعى سنۋپي ەسىمدى ءيتتىڭ ون ديۋيمدىك ءمۇسىنى (2 مىڭ) جانە تاعى باسقالارى بار.

ايتا كەتسەك، Apollo 11 ميسسياسى بارىسىندا امەريكالىقتار 1969 -جىلدىڭ 20 - شىلدەسىندە العاش رەت ايعا قونعان بولاتىن. استروناۆتار بارلىعى التى رەت ايعا ۇشتى. سوڭعى رەت 1972 -جىلدىڭ جەتوقسانىندا (Apollo 17 ميسسياسى بارىسىندا) قوندى.

Baq.kz