نازاربايەۆ ۇ ق ك قىزمەتشىلەرىنە مەملەكەتتىك ناگرادالار تابىستادى

استانا. قازاقپارات - اسكەري جانە قىزمەتتىك بورىشىن اتقارۋ كەزىندە كورسەتكەن ەرلىگى مەن جانقيارلىعى، ەلدىڭ، ۇلتتىق قاۋىپسىزدىگىن قامتاماسىز ەتۋگە قوسقان ۇلەسى ءۇشىن ق ر ۇلتتىق قاۋىپسىزدىك كوميتەتىنىڭ ءبىرقاتار قىزمەتكەرى مەملەكەتتىك ناگرادالارمەن ماراپاتتالدى.

مەملەكەتتىك ناگرادالاردى ق ر ۇلتتىق قاۋىپسىزدىك كوميتەتىنىڭ 25 جىلدىق مەرەيتويىنا ارنالعان مەرەكەلىك كونسەرتتە قازاقستان پرەزيدەنتى نۇرسۇلتان نازاربايەۆ تابىس ەتتى، دەپ حابارلايدى قازاقپارات.

اتاپ ايتقاندا، 2 - دارەجەلى «ايبىن» وردەنىمەن «ا» ارناۋلى ماقساتتاعى قىزمەتىنىڭ ورتالىق نۇسقاۋشىسى، مايور مارقۇم بولعان ەرعانات كوشەربايەۆ ماراپاتتالدى. ناگرادانى ەلباسى مارقۇمنىڭ جۇبايى مەيرامگۇل كوشەربايەۆاعا تابىس ەتتى. سونىمەن قاتار قازا بولعان ۇلتتىق قاۋىپسىزدىك قىزمەتشىلەرىنىڭ مەرەكەلىك كونسەرتكە كەلگەن جۇبايلارىنا قازاقستان پرەزيدەنتى اتىنان راقىم گۇلدەرى بەرىلدى.

مۇنان بولەك، 2- دارەجەلى «ايبىن» وردەنىمەن 2- دەپارتامەنتتىڭ باسقارما باستىعى، مايورى ءامىر سارىقۇلوۆ، «جاۋىنگەرلىك ەرلىگى ءۇشىن» مەدالىمەن 5- دەپارتامەنت باسقارماسىنىڭ اسا ماڭىزدى ىستەر بويىنشا اعا جەدەل ۋاكىلى، مايور دەمەۋ بازاربايەۆ، جامبىل وبلىستىق دەپارتامەنتى قورداي اۋداندىق ءبولىمىنىڭ جەدەل ۋاكىلى، اعا لەيتەنانت ارمان قوجابەكوۆ، 3- دەپارتامەنت باسقارماسىنىڭ اعا جەدەل ۋاكىلى، مايور داستان لۇقپانوۆ، شىعىس قازاقستان وبلىستىق دەپارتامەنتى باسقارماسىنىڭ جەدەل ۋاكىلى، كاپيتان جاندوس وماريەۆ، «ا» ارناۋلى ماقساتتاعى قىزمەتىنىڭ ورتالىق ءبولىم باستىعى، مايور اسەت تاستامبەكوۆ، الماتى وبلىستىق دەپارتامەنتىنىڭ جەدەل ۋاكىلى، اعا لەيتەنانت ەرىك ۇسەنوۆ ماراپاتتالدى.

«بارلىق ماراپاتتالعان وفيتسەرلەردى شىن جۇرەگىممەن قۇتتىقتاپ، ەڭبەگى ءۇشىن ريزاشىلىعىمدى ايتىپ، بولاشاقتا امانشىلىق پەن تابىس تىلەيمىن»، - دەدى نۇرسۇلتان نازاربايەۆ سالتاناتتى شارا بارىسىندا.

اۆتور: مارلان جيەمباي