استانادا اتىراۋ وبلىسىنىڭ مادەنيەت كۇندەرى وتەدى
بەس كۇنگە جوسپارلانعان باعدارلامادا جيىرما ءتۇرلى شارالار، كونسەرتتەر، دەفيلەلەر مەن كورمەلەر بار. ءىس- شارانى 16 - شىلدە كۇنى ساعات 11:00-دە كونگرەسس- حوللدا وتەتىن د. نۇرپەيىسوۆا اتىنداعى حالىق اسپاپتار وركەسترىنىڭ كونسەرتى اشادى. ءدال وسى ۋاقىتتا كونگرەسس- حولدىڭ الدىنداعى الاڭدا نۇرمۇحان جانتورين اتىنداعى فيلارمونيانىڭ ۇرمەلى اسپاپتار وركەسترى ونەر كورسەتسە، ساعات 12:30-دە دەفيلەنى «ايسۇلۋ» ءسان ءۇيى جالعاستىرادى. اتىراۋ وبلىستىق مادەنيەت كۇندەرىنىڭ ءبىرىنشى كۇنى «اتىراۋ ايشىقتارى» گالا- كونسەرتىمەن اياقتالادى، بۇل كونسەرت ەكسپو-2017 امفيتەاترىندا ساعات 21:30-دە باستالادى. كونگرەسس- حولل عيماراتىندا ەكى كۇن بويى، ياعني 16 جانە 17 - شىلدە كۇندەرى اتىراۋ وبلىسىنىڭ بىرنەشە كورمەلەرى مەن ۆەرنيساجدارى جۇمىس ىستەيتىن بولادى.
بۇلار - ولكەنىڭ تاريحىنان سىر شەرتەتىن وبلىستىق تاريحي- ولكەتانۋ مۋزەيىنىڭ ەكسپوزيتسياسى، ش. سارييەۆ اتىنداعى بەينەلەۋ ونەرى مۋزەيىنىڭ ەكسپو تاقىرىبىنداعى ۆەرنيساجدارى. وبلىس ورتالىعىنىڭ كىتاپحانالارى ۇسىناتىن كىتاپ كورمەسى مەن جارمەڭكەسى، سونداي- اق وبلىستىق مەملەكەتتىك ارحيۆ ۇسىناتىن ءوڭىردىڭ جەتىستىكتەرى تۋرالى قۇجاتتار كورمەسى. بارلىق كورمەلەر مەن ەكسپوزيتسيالار ساعات 11:00-دە باستالادى. 17 - شىلدە كۇنى مادەني ءىس- شارالار كەشكە قاراي باستالادى. ساعات 19:00-دە «بايتەرەك» مونۋمەنتىنىڭ الدىندا جانتورين اتىنداعى وبلىستىق فيلارمونيانىڭ «نارىن» حالىق اسپاپتار وركەسترى ءان- جىرمەن سۋسىنداتادى. ءدال وسى ۋاقىتتا «جاستار» تەاترىندا ماحامبەت اتىنداعى وبلىستىق دراما تەاترى ارتىستەرىنىڭ ورىنداۋىنداعى «ءسۇيىنباي» دراماسىنىڭ تۇساۋكەسەرى وتەدى، باستالۋى ساعات 19:00-دە. 18- شىلدە كۇنى نەگىزگى شارالار ەتنواۋىل اۋماعىندا وتەدى.
ساعات 15:00-دە «ايسۇلۋ» ءسان ءۇيى مودەلدەرىنىڭ دەفيلە باعدارلاماسى باستالادى. باعدارلامانى ساعات 15:00-دە د. نۇرپەيىسوۆا اتىنداعى حالىق اسپاپتار وركەسترى مەن قۇرمانعازى، يندەر جانە ماقات اۋداندارىنىڭ شىعارماشىلىق ۇجىمدارىنىڭ كونتسەرتى جالعاستىرادى. ەتنواۋىلداعى باعدارلاما ساعات 19:30-دا اتىراۋلىق كومپوزيتورلاردىڭ اندەرى شىرقالاتىن كونتسەرتپەن اياقتالادى. وسى كۇنى، 18 - شىلدە كۇنى قالالىق الاڭدا ساعات 17:00-دە باستالاتىن وڭىردەگى ەتنومادەني بىرلەستىكتەردىڭ كونسەرتى وتەدى. ساعات 18:00-دە ولاردى بيلەر مەرەكەسى الماستىرسا، 20:00-دە - وبلىستىق فيلارمونيا ارتىستەرىنىڭ قاتىسۋىمەن تەاترلاندىرىلعان قويىلىم مەن كونسەرت باستالادى. 19 - شىلدە كۇنى گوركي اتىنداعى ورىس تەاترىندا اتىراۋلىق دراماتۋرگ م. وتاربايەۆتىڭ «باياندى باق» قويىلىمى وتەدى، ول ساعات 19:00-دە باستالادى. ونىمەن ءبىر ۋاقىتتا قالالىق الاڭدا وبلىستىق فيلارمونيانىڭ ەسترادالىق وركەسترىنىڭ قاتىسۋىمەن مەرەكەلىك باعدارلاما وتەدى. استاناداعى اتىراۋ وبلىسىنىڭ مادەنيەت كۇندەرى 20 - شىلدە كۇنى «بايتەرەك» مونۋمەنتىنىڭ الدىنداعى الاڭدا ءتامامدايدى. 19:00-دە بۇل جەردە ەلوردا تۇرعىندارى مەن قوناقتارىن «ءان ارمان - اتىراۋ» مەرەكەلىك كونسەرتى كۇتەدى.
