جۇرگىزۋشىلەر ءۇشىن قولجەتىمدى جاڭالىق

ولار ادەتتەگى ح ق ك و- دا «جۇرگىزۋشى كۋالىگىن» اۋىستىرۋ ءۇشىن قۇجاتتاردى وتكىزە الادى.

پيلوتتىق جوبا ازىرگە ح ق ك و - نىڭ ءۇش بولىمىندە ىسكە قوسىلدى: استانا قالاسى، الماتى اۋدانىنىڭ №5 بولىمىندە، ك. ساتپايەۆ كوشەسى، ۆ پ-25؛ الماتى قالاسى، جەتىسۋ اۋدانىنىڭ №1 بولىمىندە، قۇلاگەر ش/ا سەريكوۆا كوشەسى، 6 جانە مايلين كوشەسى ، 85 №2 مامانداندىرىلعان بولىمىندە. جوبا، جۇمىس ىستەپ تۇرعان مامانداندىرىلعان ح ق ك و- نا تۇسەتىن سالماقتى ازايتۋعا مۇمكىندىك بەرەدى، سونداي- اق اۆتوكولىكتى سۇيەتىن جاندار جۇرگىزۋشى كۋالىگىن قالا سىرتىنا شىقپاي- اق اۋىستىرا الادى.

«ازاماتتارعا ارنالعان ۇكىمەت» مەملەكەتتىك كورپوراتسياسىنىڭ باسقارما ءتوراعاسى ابىلايحان وسپانوۆتىڭ ايتۋىنشا، استانالىقتار مەن الماتىلىقتار ەمتيحان تاپسىرۋدى قاجەت ەتپەيتىن بولسا، كەز كەلگەن ح ق ك و- دا جۇرگىزۋشى كۋالىگىن اۋىستىرا الادى. ياعني، مەرزىمى اياقتالعان كۋالىكتەردى اۋىستىرۋ، تەگىن وزگەرتكەندە جانە جوعالتقان جاعدايدا بەرىلگەن ۋاقىتشا جۇرگىزۋشى كۋالىگىن تۇراقتى جۇرگىزۋشى كۋالىگىنە اۋىستىرۋ.

«جۇرگىزۋشى كۋالىكتەرىن اۋىستىرۋعا وتىنىشتەردى دۇيسەنبى مەن سەنبى ارالىعىندا، ساعات 09:00 دەن 18:00 گە دەيىن، تۇسكى اسقا ءۇزىلىسسىز قابىلدايدى. دايىن قۇجاتتاردى - جۇمىس كەستەسىنە سايكەس: دۇيسەنبىدەن باستاپ سەنبىنى قوسا العاندا، ساعات 9.00 دەن 20.00 گە دەيىن، تۇسكى ءۇزىلىسسىز الۋعا بولادى» ، - دەپ ءتۇسىندىردى وسپانوۆ.

جۇرگىزۋشى كۋالىگىن اۋىستىرۋ ءۇشىن ح ق ك و جۇگىنگەن كەزدە وزىمەن بىرگە كەلەسى قۇجاتتار بولۋى قاجەت: جەكە باسىن كۋالاندىراتىن قۇجات؛ №83 نىسانى بويىنشا مەديتسينالىق انىقتاما جانە ونىڭ كوشىرمەسى؛ تولەم تولەگەندىگى تۋرالى تۇبىرتەك؛ تەگىن اۋىستىرعان جاعدايدا - ونى راستايتىن قۇجات؛ جوعالعان جاعدايدا - ۋاقىتشا كۋالىك؛ كاسىبي جۇرگىزۋشىلەرگە - «س» ، «D» ، «D1» ، «Tm» ، «Tb» ساناتتارىن قوستىرۋ ءۇشىن جۇمىس ورنىنان انىقتاما؛ شەتەل ازاماتتىعى بار جۇرگىزۋشىلەرگە - سىرتقى ىستەر مينيسترلىگىنىڭ ديپلوماتيالىق كورپۋسپەن جۇمىس جونىندەگى ۇيىمنىڭ جولداماسى.

ەستەرىڭىزگە سالا كەتەيىك، مامانداندىرىلعان ح ق ك و- دا كولىك قۇرالدارىن تىركەۋ جانە قايتا تىركەۋ بويىنشا مەملەكەتتىك قىزمەت الۋ، سونداي- اق جۇرگىزۋشى كۋالىكتەردى بەرۋ ەكى ساعاتقا دەيىن قىسقاردى. قازىرگى ۋاقىتتا م ح ق ك و- لار قازاقستاننىڭ 12 قالاسىندا قىزمەت كورسەتۋدە: استانا، الماتى، قاراعاندى، تاراز، اقتاۋ، پاۆلودار، پەتروپاۆل، قىزىلوردا، تالدىقورعان، قوستاناي، اقتوبە جانە شىمكەنتتە. سونداي- اق، تۇرعىندارعا ىڭعايلى بولۋ ءۇشىن، الماتى قالاسى مەن وڭتۇستىك قازاقستان وبلىسىنىڭ سايرام اۋدانىندا كولىك قۇرالدارىن تىركەۋ جانە قايتا تىركەۋ بويىنشا قىزمەتتەر كورسەتەتىن م ح ق ك و- نىڭ سەكتورلارى جۇمىس جاسايدى.