بۇگىن قازاقستاننىڭ باسىم بولىگىندە جاڭبىر جاۋادى

استانا. قازاقپارات - اتموسفەرالىق اۋا اعىنىنىڭ وتۋىنە بايلانىستى قازاقستاننىڭ باسىم ايماقتارىندا تۇراقسىز اۋا رايى كۇتىلەدى، كەي جەرلەردە جاڭبىر، نايزاعاي بولىپ، جەل كۇشەيەدى، سولتۇستىك- باتىس، سولتۇستىك جانە شىعىستا بۇرشاق جاۋۋى ىقتيمال، تۇندە جانە تاڭەرتەڭ سولتۇستىكتە تۇمان كۇتىلەدى، دەپ حابارلايدى قازگيدرومەت.

وڭتۇستىك- شىعىستا، رەسپۋبليكانىڭ ورتالىق جانە شىعىسىنىڭ كەي جەرلەرىندە ىستىق اۋا رايى ساقتالادى. سولتۇستىك قازاقستان، اقمولا، شىعىس- قازاقستان وبلىستارىنىڭ كەي جەرلەرىندە جەل 15-20 م/س كۇشەيەدى، بۇرشاق بولۋى مۇمكىن. سولتۇستىك قازاقستان وبلىسىنىڭ كەي جەرلەرىندە تۇندە جانە تاڭەرتەڭ تۇمان بولادى. 

قىزىلوردا وبلىسىنىڭ كەي جەلەرىندە جەل 15-20 م/س كۇشەيىپ، شاڭدى داۋىل بولادى. قوستاناي، پاۆلودار، جامبىل، اتىراۋ، اقتوبە، كۇندىز قاراعاندى، وڭتۇستىك- قازاقستان وبلىستارىنىڭ كەي جەرلەرىندە جەلدىڭ كۇشى 15-20 م/س بولادى. كۇندىز الماتى وبلىسىندا، قاراعاندى ، شىعىس قازاقستان وبلىستارىنىڭدا كەي جەرلەردە قاتتى ىستىق ساقتالادى. اتىراۋ، باتىس قازاقستان، اقتوبە، قوستاناي، قاراعاندى،  قىزىلوردا، وڭتۇستىك- قازاقستان، جامبىل الماتى وبلىستارىنىڭ كەي جەرلەرىندە وتە جوعارى ءورت قاۋپى كۇتىلەدى.