تۆيتتەر جەلىسىن پايدالانۋشىلارى ا ق ش پرەزيدەنتىن سوتقا بەردى
استانا. قازاقپارات - ءسوز بوستاندىعىن قورعاۋمەن اينالىساتىن Knight First Amendment ينستيتۋتىنىڭ وكىلدەرى ا ق ش پرەزيدەنتى دونالد ترامپتى «تۆيتتەر» پايدالانۋشىلارىن بۇعاتتاعانى ءۇشىن سوتقا بەردى، دەپ حابارلايدى قازاقپارات بي- بي- سي- گە سىلتەمە جاساپ.
شاعىم الەۋمەتتىك جەلىنىڭ جەتى پايدالانۋشىسىنان تۇسكەن. حابارلانعانداي، ترامپ ولاردى ءوز اتىنا ايتىلعان سىن پىكىرلەر ءۇشىن بۇعاتتاپ تاستاعان. سولايشا، ا ق ش كونستيتۋتسياسىنىڭ ءبىرىنشى بولىگىن بۇزىپ وتىر.
بۇعاتتالعان پايدالانۋشىلار امەريكا باسشىسىنىڭ تۆيتتەردەگى جازبالارىن وقىپ، پىكىر جازا المايدى. ينستيتۋت وكىلدەرى سوتتان ولاردىڭ بۇعاتتالۋىن كونستيتۋتسياعا قارسى دەپ تانۋدى، ال ترامپتى ءوز اككاۋنتىنا قولجەتىمدىلىكتى قايتا قالپىنا كەلتىرۋگە، ادۆوكاتتاردىڭ اقىسىن تولەۋگە مىندەتتەۋدى تالاپ ەتۋدە.
دونالد ترامپ «تۆيتتەردىڭ» بەلسەندى پايدالانۋشىسى. ول اككاۋنتىن 2009 -جىلى اشىپ، كەم دەگەندە 35 مىڭنان استام جازبا قالدىردى. قازىرگى ۋاقىتتا ونىڭ اككاۋنتىنا تىركەلگەندەر سانى 33 ميلليوننان اسىپ جىعىلدى.
