بالالار تەرەزەدەن قۇلاپ كەتپەۋى ءۇشىن نە ىستەۋ كەرەك

ستاتيستيكا كورسەتكەندەي، قايعىلى جاعدايدىڭ كوبى ەرەسەكتەردىڭ قاراۋىنسىز قالعان كامەلەتكە تولماعان بالالارمەن نەمەسە اتا- انالاردىڭ بالالارىنىڭ قاۋىپسىزدىگىنە بەي- جاي قاراۋىنا بايلانىستى ورىن الۋدا. كوپتەگەن اتا- انالار اشىق تۇرعان تەرەزەنىڭ بالالار ءۇشىن اسا قاۋىپتى ەكەندىگىن ەستەن شىعارادى.

پوليتسيا بالالاردىڭ تەرەزەدەن قۇلاپ كەتپەۋى ءۇشىن مىناداي كەڭەس بەرەدى:

بالا ۇيدە بولعان كەزدە، تەرەزەنى ەشقاشان اشىق قالدىرماڭىز. ءسىز قاسىندا بولۋىڭىز مۇمكىن، الايدا كوڭىلىڭىز باسقا جاققا بولىنگەن ءبىر سەكۋند ءسىزدىڭ بالاڭىزدىڭ ءومىرىنىڭ سوڭعى ءساتى بولۋى مۇمكىن؛

ەشقاشان شىبىن- شىركەي تورىنىڭ قاۋىپسىز ەكەندىگىنە سەنبەڭىز - بالالار وعان سۇيەنىپ، تورمەن بىرگە قۇلاۋدا؛

بالانىڭ تەرەزەنى وزدىگىنەن اشا الماۋى ءۇشىن ارنايى قۇلىپ جۇيەسىن ورناتىڭىز؛

بالاعا تەرەزەدەن بىردەڭە كورسەتىپ جاتقاندا - ءاردايىم تەرەزەنى مىقتاپ بەكىتىڭىز، ءبۇلدىرشىننىڭ كەنەتتەن قيمىلداۋىنا دايىن بولىڭىز، ونى كيىمىنەن ۇستاپ تۇرماڭىز؛

 تەرەزەنىڭ الدىنداعى بالا شىعىپ تەرەزەگە جەتە الۋىنا مۇمكىندىك بەرەتىن جيھازدى باسقا جەرگە قويىڭىز، بۇل بالانىڭ قۇلاۋىنىڭ الدىن الۋعا سەپتىگىن تيگىزەدى.