جاڭا ۆيرۋس قازاقستاندىقتاردىڭ بانكوماتتارىنان اقشا ۇرلاي باستادى
استانا. قازاقپارات - «كاسپەرسكي زەرتحاناسى» Neutrino ۆيرۋسىن تاپتى. ۆيرۋس POS تەرمينالى مەن بانك كارتاسىنا شابۋىلداۋدا.
Neutrino ۆيرۋسى الجير، قازاقستان، ۋكراينا، ەگيپەت ەلى ءۇشىن دە قاۋىپتى بولىپ تۇر. ۆيرۋسپەن زاقىمداۋ ارەكەتتەرىنىڭ 10 پايىزعا جۋىعى شاعىن بيزنەس كاسىپورىندارىنا تيەسىلى.
زەرتتەۋشىلەر بۇل ۆيرۋستى باعدارلامانى كوپتەن بەرى زەرتتەۋ ۇستىندە. باعدارلاما جاڭا ادىستەرگە كوشىپ، ءجۇرىسىن وزگەرتىپ وتىرادى. ەندى تەرمينال ارقىلى اقشا الاتىن بانك كارتالارىن زاقىمداي باستادى.
ۆيرۋستى باعدارلاما تەرمينالعا تۇسكەن سوڭ بىردەن زيانىن تيگىزبەي ءبىراز ۋاقىت تۇراقتايدى.
«ۆيرۋستى باعدارلامانىڭ جاڭا ءتۇرى كۇردەلى بولىپ بارادى. ساندىق تەحنولوگيا دامىعان سايىن زياندى باعدارلامالار كۇردەلەنۋ ۇستىندە» ، - دەيدى «كاسپەرسكي زەرتحاناسىنىڭ» ۆيرۋسقا قارسى ساراپشىسى سەرگەي يۋناكوۆسكي.
