جول ءجۇرىسى ەرەجەلەرىنە ەنگىزىلگەن ماڭىزدى تۇزەتۋلەر

ەستەرىڭىزگە سالا كەتەيىك، 2017 -جىلدىڭ 3 - شىلدەسىندە مەملەكەت باسشىسى جول ءجۇرىسى سالاسىنداعى زاڭنامانى ودان ءارى جەتىلدىرۋگە باعىتتالعان «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جول ءجۇرىسى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» (№ 83-VI زرك) زاڭعا(بۇدان ءارى - زاڭ) قول قويدى. زاڭمەن سالىق كودەكسىنە مەملەكەتتىك تىركەۋ نومىرلىك بەلگىلەرىنىڭ تىزبەسىن كەڭەيتۋ بولىگىندە تۇزەتۋلەر ەنگىزىلدى، جانە ولاردى بەرگەنى ءۇشىن:

 سيفرلىق بەلگىلەنۋى 010, 020, 030, 040, 050, 060, 070, 077, 080, 090, 707 نومىرلەرىنە - 5700 پايىز؛

 سيفرلىق بەلگىلەنۋىمەن بايلانىستى ەمەس ارىپتىك بەلگىلەنۋى بىردەي (اا) ، ۆۆۆ (ۆۆ) ، س س س (س س) ، ZZZ (ZZ) تاڭبالارعا-  5700 پايىز؛

ارىپتىك بەلگىلەنۋى بىردەي، سيفرلىق بەلگىلەنۋى 001, 002, 003, 004, 005, 006, 007, 008, 009, 777 نومىرلەرگە - 28500 پايىز؛

ارىپتىك بەلگىلەنۋى بىردەي، 100, 111, 200, .. ., 999 مەملەكەتتىك تىركەۋ ءنومىرىن بەرگەنى ءۇشىن -  19700 پايىز؛

 ارىپتىك بەلگىلەنۋى بىردەي، 010, 020, 030, 040, 050, 060, 070, 077, 080, 090, 707 نومىرلەرىنە -  11400 پايىز مەملەكەتتىك باجدىڭ جوعارىلاتىلعان مولشەرلەرى كوزدەلەدى.

بۇدان بولەك، قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنە:

 1) كولىك قۇرالىن الكوگولدىك ماساڭ كۇيدە باسقارعانى ءۇشىن مۇگەدەكتەردى كولىك قۇرالدارىن باسقارۋ قۇقىعىنان 3 جىلعا ايىرۋ تۇرىندەگى اكىمشىلىك جاۋاپكەرشىلىك ەنگىزىلدى (ا ق ب ت ك 46-بابىنىڭ ءتورتىنشى بولىگى) ؛

 2) ا ق ب ت ك 596-بابىنىڭ ءۇشىنشى بولىگىن ءار ءتۇرلى تۇسىندىرۋدە بولدىرماۋ ماقساتىندا، اتالعان نورما قارسى جولاققا شىعۋ تىيىم سالىنعان جەرلەردە قارسى ءجۇرۋ جولاعىنا شىعا وتىرىپ، بۇرىلۋ نەمەسە كەرى بۇرىلۋ ءۇشىن كولىك قۇرالدارىن باسقارۋ قۇقىعىنان ايىرۋ تۇرىندەگى اكىمشىلىك جاۋاپكەرشىلىككە تارتۋ بولىگىندە ناقتىلاندى(ا ق ب ت ك 596-بابىنىڭ ءۇشىنشى بولىگى) ؛

 3) جول بەلگىلەرىمەن نەمەسە جولدىڭ ءجۇرۋ بولىگىندەگى تاڭبالارمەن كورسەتىلگەن تالاپتاردى ساقتاماعانى ءۇشىن ايىپپۇل مولشەرى 5 تەن باستاپ 3 ا ە ك- كە دەيىن قىسقارتىلدى (ا ق ب ت ك 601-بابىنىڭ ءبىرىنشى بولىگى) ؛

 4) ماساڭ كۇيىن كۋالاندىرۋدان وتۋدەن باس تارتقان ءۇشىن جۇرگىزۋشى كۋالىگىنەن ايىرۋ مەرزىمى 2  جىلدان 3  جىلعا دەيىن كوبەيتىلدى(ا ق ب ت ك 613-بابىنىڭ ءتورتىنشى بولىگى) ؛

 5) ىشكى ىستەر ورگاندارىنىڭ، اسكەري پوليتسيانىڭ قىزمەتكەرى توقتاتقان جاعدايدا ونىڭ رۇقساتىنسىز جولاۋشىعا كولىك قۇرالىنان شىعاپ كەتكەنى ءۇشىن جاۋاپكەرشىلىك الىنىپ تاستالىندى (ا ق ب ت ك 613-بابىنىڭ ون ەكىنشى بولىگى) . مۇنىمەن قوسا، «جول ءجۇرىسى تۋرالى» زاڭدا تۇنگى ۋاقىتتا (ساعات 23 تەن تاڭعى 06 ساعاتقا دەيىن) قالاارالىق، اۋدانارالىق قاتىناستاردا اۆتوبۋستارمەن تۇراقتى ەمەس تاسىمالداۋلار ارقىلى جولاۋشىلاردى تاسىمالداۋعا تىيىم سالۋ الىنىپ تاستالىندى.

اكىمشىلىك كەدەرگىلەردى تومەندەتۋ ماقساتىندا جۇرگىزۋشى كۋالىگىنىڭ مەرزىمى ءوتىپ كەتكەن جاعدايدا جۇرگىزۋشى كۋالىگىن ايىرباستاۋ كەزىندە جول ءجۇرىسى قاعيدالارىن ءبىلۋىن تەكسەرۋ ءۇشىن ەمتيحان تاپسىرۋ جونىندەگى مىندەتتىلىك جويىلادى. «D» (اۆتوبۋستار) ساناتىنداعى كولىك قۇرالىن باسقارۋ ءۇشىن اسكەري قىزمەتشىلەردىڭ جاسى 19 دان 18 جاسقا تومەندەتىلدى.

 ىشكى ىستەر ورگاندارى قىزمەتكەرلەرىنىڭ ءىس- ارەكەتىن تىركەۋ ءۇشىن كولىك قۇرالىن توقتاتقان جاعدايدا جۇرگىزۋشىلەرگە فوتو- جانە بەينەجازبا جۇرگىزۋ قۇقىعى بەرىلدى.

كولىك قۇرالىن توقتاتقاننان كەيىن پوليتسيانىڭ: دەرەۋ جاقىنداپ كەلۋى، ءوزىن تانىستىرۋى، جۇرگىزۋشىنىڭ تالاپ ەتۋ بويىنشا قىزمەتتىك كۋالىگىن كورسەتۋى، توقتاتۋ سەبەبىن ءتۇسىندىرۋ، راداردىڭ (قولدانىلعان جاعدايدا) دەرەكتەرىن كورسەتۋ مىندەتى بەلگىلەندى.

كولىك قۇرالىن توقتاتقان پوليتسيا قىزمەتكەرلەرىنىڭ زاڭدى تالابىن ورىنداۋ بويىنشا جۇرگىزۋشىنىڭ مىندەتى بەلگىلەندى.

 ۋاكىلەتتى ورگاننىڭ لاۋازىمدى تۇلعالارىنا جول ءجۇرىسى سالاسىندا نۇسقامالار شىعارۋ بويىنشا قۇزىرەت بەرىلدى، بۇرىن وسىنداي وكىلەتتىلىك جول ءجۇرىسى قاۋىپسىزدىگىن قامتاماسىز ەتۋ جونىندەگى باس مەملەكەتتىك ينسپەكتورعا عانا بەرىلگەن بولاتىن.

 قۇقىقتىق ناقتىلاۋ ماقساتىندا زاڭنىڭ 52-بابىنىڭ ەسكەرتۋىندە كولىك قۇرالىن توقتاتۋ نەگىزدەمەلەرىنىڭ ءبىرى بولىپ تابىلاتىن «ارنايى ءىس- شارالار» ۇعىمىنىڭ مازمۇنى اشىلىپ ەنگىزىلدى(«ارنايى ءىس- شارالار» - قۇقىق قورعاۋ جانە ارناۋلى مەملەكەتتىك ورگاندار جۇرگىزەتىن جەدەل- پروفيلاكتيكالىق، جەدەل- ىزدەستىرۋ، كۇزەت ءىس- شارالارى جانە تەرروريزمگە قارسى وپەراتسيالار) .

كولىك قۇرالىنا اەروگرافيا سالۋ بويىنشا تىيىم سالۋ الىنىپ تاستالىندى. «mT» ساناتىنداعى (ترامۆاي) كولىك قۇرالدارىن باسقارۋ قۇقىعىن الۋ ءۇشىن ۇمىتكەرلەر جاسى تومەندەتىلدى (25 جاستان 21 جاسقا دەيىن) جانە باسقا كولىك قۇرالىن باسقارۋ تاجىريبەسى بار بولۋ قاجەتتىگى تۋرالى تالاپ الىنىپ تاستالىندى.

جاياۋ جۇرگىنشىلەر وتكەلىنەن ۆەلوسيپەدپەن جۇرۋگە تىيىم سالىندى.

ەۋرازيالىق ەكونوميكالىق وداققا مۇشە مەملەكەتتەردىڭ ازاماتتارىنا كاسىپكەرلىك قىزمەت نەمەسە وزگە دە ەڭبەك قىزمەتىن جۇزەگە اسىرعان كەزدە حالىقارالىق نەمەسە شەتەلدىك جۇرگىزۋشى كۋالىگىنىڭ نەگىزىندە كولىك قۇرالىن باسقارۋعا رۇقسات بەرىلدى.

 «2018 -جىلدىڭ 1 - قاڭتارىنان باستاپ قولدانىسقا ەنگىزىلەتىن، ياعني بەرىلگەنى ءۇشىن مەملەكەتتىك باجدىڭ جوعارىلاتىلعان مولشەرلەرىن كوزدەيتىن مەملەكەتتىك تىركەۋ نومىرلىك بەلگىلەرىنىڭ تىزبەسىن كەڭەيتۋگە قاتىستى سالىق كودەكسىنە تۇزەتۋلەردى قوسپاعاندا، زاڭنىڭ ەرەجەلەرى 2017 -جىلدىڭ 15 - شىلدەسىنەن باستاپ قولدانىسقا ەنگىزىلەدى» ، - دەپ اتاپ وتىلگەن باسپا ءسوز قىزمەتىنىڭ مالىمەتىندە.

 اۆتور: رۋسلان عابباسوۆ