ورىنسىز سىيلىق جاساعان اتىراۋلىق جارتى ميلليون تەڭگە ايىپپۇل تولەيدى
اتىراۋ. قازاقپارات - اتىراۋ قالاسىنىڭ مامانداندىرىلعان اكىمشىلىك سوتى 23 جاستاعى قالا تۇرعىنىنا ينسپەكتورعا سىيلىق جاساعانى ءۇشىن ايىپپۇل سالدى، دەپ حابارلايدى قازاقپارات. «اتىراۋ قالاسىنىڭ تۇرعىنى ق ر اكىمشىلىك قۇقىق بۇزۋشىلىق تۋرالى كودەكستىڭ 676- بابى «جەكە تۇلعالاردىڭ زاڭسىز ماتەريالدىق سىياقى بەرۋى» بويىنشا ايىپتالىپ وتىر.
ۇرلىق جاساعانى ءۇشىن سوتتالعان ەر ادام اعا ينسپەكتوردىڭ تەلەفونىنا 500 بىرلىك جىبەرىپ، سوسىن «بۇل شىن كوڭىلمەن» دەپ حابارلاما جولداعان. سىيلىقتى العاننان كەيىن پوليتسيا قىزمەتكەرى اتىراۋ قالاسى بويىنشا قىلمىستىق-اتقارۋ جۇيەسى دەپارتامەنتى باسشىلىعىنا راپورتپەن ءوتىنىش جاساعان. سىيلىق جاساعىش ەر ادام ءوزىنىڭ كىناسىن تولىق مويىندادى، وعان 200 ا ە ك كولەمىندە (453800 تەڭگە) ايىپپۇل سالىندى»، - دەلىنگەن سوتتىڭ باسپا ءسوز بايانىندا.
