بايقامپاز وقۋشى ا ق ش قورعانىس مينيسترىنەن سۇحبات الدى
استانا. قازاقپارات - امەريكالىق وقۋشى تەددي فيشەر كەيبىر دەرەكتەرگە ەرەكشە دەن قويا وتىرىپ، ا ق ش قورعانىس ءمينيسترى دجەيمس مەتتيسانىڭ قىزمەتتىك تەلەفونىن ءبىلىپ الىپ، ودان سۇحبات العان، دەپ جازادى تاسس.
فيشەر ۆاشينگتونداعى مەكتەپتەردىڭ بىرىندە ءبىلىم الۋدا، ونى جۋرناليستيكا جانە سىرتقى ساياسات ماسەلەلەرى قاتتى قىزىقتىرادى. امەريكالىق وقۋشى The Washington Post گازەتىندە 11 -مامىردا جاريالانعان دجەيمس مەتتيسانىڭ قاعاز پاپكاسىن ۇستاپ تۇسكەن سۋرەتىنە ەرەكشە نازار اۋدارعان.
سۋرەتكە ءتۇسىپ قالعان قاعازدىڭ شەتىنەن ا ق ش قورعانىس ءمينيسترىنىڭ اتى-ءجونى مەن تەلەفون نومەرى جازىلىپ قالعانىن بايقاعان. باستاپقىدا وقۋشى اتالعان سۋرەتتىڭ ەلەكتروندىق نۇسقاسىن الۋ ءۇشىن گازەتتىڭ رەداكسياسىنا حابارلاسىپ، نومەردى انىق كورگەن. ءسويتىپ ول ءوزىنىڭ ىجداعاتتىلىعىنىڭ ارقاسىندا مينيستردەن سۇحبات الا العان.
