استانادا «استانا سۋ ارناسى» عيماراتىنىڭ الدىندا گراففيتي- سۋرەت پايدا بولدى
استانا. قازاقپارات - گراففيتي- سۋرەتتىڭ سالتاناتتى اشىلۋى كاسىپورىننىڭ قۇرىلعان كۇنىمەن ورايلاستىرىلدى. 2017 -جىلدىڭ 10 -شىلدەسىندە «استانا سۋ ارناسىنا» 58 جىل تولدى. ۇجىمعا بۇل سىيلىقتى «استانا سۋ ارناسى» م ق ك باسشىسى تابيعات زەينولقابدەن جاسادى، دەپ حابارلادى كومپانيادا.
گراففيتي- سۋرەت كومپانياعا تيەسىلى عيماراتتاردىڭ ءبىرىنىڭ الدىڭعى جاعىندا ورنالاسقان. قابىرعادا سۋ وتكىزۋ كرانىنان تامىپ جاتقان سۋ تامشىسى بەينەلەنگەن. بۇل سۋرەت بارلىق تۇتىنۋشىلاردى تابيعي رەسۋرستى ۇنەمدەۋگە شاقىرادى.
كارتينانىڭ اۆتورى - سكۋلپتور- سۋرەتشى اسىلبەك مامىربايەۆ اۋا رايىنىڭ قولايسىزدىعىنا قاراماستان كارتينانى ۋاقىتىلى بىتىرگەنىن تىلگە تيەك ەتتى. ەندى قالا قوناقتارى مەن تۇرعىندارى گراففيتيدىڭ فونىندا سەلفي جاساي الادى.
