ىستىقتا سەرگەكتىكتى قالاي ساقتاپ قالۋعا بولادى؟

جۇمىس ورنىندا ىستىققا قالىپ قويماۋ ءۇشىن جۇمىس ورنىڭىزعا كۇن شىقپاي تۇرىپ ەرتەرەك بارىپ الىڭىز. ول ءۇشىن ارينە ەرتە تۇرۋىڭىز قاجەت. جۇمىس ورنىندا تەرەزەنى كۇن تۇسپەيتىندەي ەتىپ ماتامەن نەمەسە جاليۋزيمەن جاۋىپ قويىڭىز. كۇن جۇمىس ورنىنا تۇسسە بولمەنى ىسىتىپ جىبەرەدى. ىلعالدى جاساۋ ءۇشىن قاسىڭىزعا سۋ قۇيىلعان ىدىستى ۇستاڭىز.

ۇيدە

 ۇلكەن كەسەگە مۇز سالىڭىزدا جەلدەتكىشتىڭ الدىن قويىپ قويىڭىز. قوسۋلى تۇرعان جەلدەتكىش سۋدىڭ ىشىندەگى مۇزدىڭ سالقىن لەبىن بولمەگە ۇرلەپ تۇرادى. مۇنداي اۋا بولمەنى ىستىقتان امان الىپ قالادى. سونىمەن بىرگە ماتانى سۋعا سالىپ، جۋىپ الىپ سىعىڭىز دا، بولمەنىڭ ەسىگىنە ءىلىپ قويىڭىز. وسىلاي ءار بولمەگە جاساپ شىعىڭىز. كەشكىسىن ۇيىقتار الدىندا تۇراقتى تۇردە ۆاننا قابىلداڭىز. ۆانناداعى سۋدىڭ جىلى بولۋىن باقىلاڭىز. ۆاننانى 10-15 مينۋت قابىلداعاننان كەيىن، سالقىن شۋمەن شايىنىپ الۋىڭىزعا بولادى. ارتىنشا بال قوسىلعان شاي ءىشىپ دەمالۋىڭىزعا بولادى. مولىراق سۋ قولدانىڭىز كۇندىز سۋمەن بەتىڭىزدى، بىلەگىڭىزبەن قولىڭىزدى شايىڭىز. ال كەشكىسىن بارلىق ىستىقتى اياعىڭىزدى جۋۋ ارقىلى شىعارۋعا بولادى. ول ءۇشىن ۆانناعا سۋ قۇيىپ تەڭىز تۇزىن ( 1 شەلەككە 3 اس قاسىق تۇز) سالىڭىز.

جەڭىل تاماق

 كوپ ادامدار، اسىرەسە، تولىق ادامدار تاماق ىشكەننەن كەيىن تەرلەي باستايدى. مۇنىڭ سەبەبى ورگانيزم تاماقتى قورىتۋعا كوپ ەنەرگيا جۇمسايدى دا، ارتىنشا ىشكى تەمپەراتۋرا كوتەرىلىپ ادام تەز تەرلەي باستايدى. ىستىقتا ءتىپتى ارىق ادامداردىڭ وزدەرى دۇرىس تاماقتانباعاننان تەز تەرلەپ، ىسسىلاۋى مۇمكىن. سوندىقتاندا ىستىق كۇندەرى جەڭىل تاماق ىشۋگە تىرىسىڭىز. اسىرەسە تاماقتىڭ پورتسياسى از بولعانى دۇرىس. دۇرىس ليمونادتار تسيترۋستار كوڭىلدى كوتەرىپ، ءشولدى باسادى. سالقىنداۋ سۋعا ليمون مەن اپەلسيندى سىعىپ، ارالاستىرىپ كەرەمەت سۋسىنمەن ءشولىڭىزدى قاندىرۋىڭىزعا بولادى. ەگەر ءسىز وتىرعان جەر وتە ىستىق بولسا، سۋسىنىڭىزعا مۇز سالىپ ىشۋىڭىزگە بولادى. ال وتە ىستىق كەزدەردە سۋسىنداردى ساتىپ الۋعا كەڭەس بەرمەيمىز. سەبەبى ءتاتتى سۋسىنداردى ساتىپ الىپ ىشكەننەن كەيىن ءسىزدىڭ ءشولىڭىز قانباي، تاعى دا ىشكىڭىز كەلىپ تۇرادى.

دەرەككوزى: kenester.kz