زاماناۋي ساۋلەت ونەرىنىڭ وزىق ۇلگىسىندەگى ەلباسى كىتاپحاناسى
قالاداعى زاماناۋي ۇلگىدەگى عيماراتتار، حالىقتىڭ يگىلىگىنە ارنالعان الەۋمەتتىك نىساندار مەن دەمالىس الاڭدارى، سونداي-اق باسقا دا جوبالار وزىندىك بىرەگەيلىگىمەن ەرەكشەلەنەدى. وسى ماتەريالدا قازاقستان رەسپۋبليكاسىنىڭ تۇڭعىش پرەزيدەنتى - ەلباسىنىڭ كىتاپحاناسىنا كەڭىرەك توقتالماقپىز.
اتاپ ايتقاندا، كىتاپحانانىڭ قازىردىڭ وزىندە-اق تاريحي ماڭىزدى نىسانعا اينالعانىن بايقاۋعا بولادى. مەكەمە كىتاپحانانىڭ، ارحيۆتىڭ، مۋزەيدىڭ، تالداۋ، مادەني-ءبىلىم بەرۋ جانە عىلىمي- زەرتتەۋ ورتالىعىنىڭ قىزمەتىن اتقارادى.
«قازاقستان رەسپۋبليكاسىنىڭ تۇڭعىش پرەزيدەنتى - ەلباسىنىڭ كىتاپحاناسى» م م قازاقستان رەسپۋبليكاسىنىڭ پرەزيدەنتى ن. ءا. نازاربايەۆتىڭ جارلىعىمەن 2014 -جىلدىڭ 13 -ناۋرىزىندا پرەزيدەنتتىڭ جەكە كىتاپحاناسى مەن جەكە مۇراعاتىنىڭ قىزمەتىن جۇزەگە اسىرۋ، قازاقستاننىڭ قالىپتاسۋ جانە دامۋ تاريحىن زەردەلەۋ، پرەزيدەنتتىڭ يدەيالارى مەن باستامالارىن ەلىمىزدە جانە شەت مەملەكەتتەردە ىلگەرىلەتۋ ماقساتىندا قۇرىلدى.
ەلباسى كىتاپحاناسى ەلورداداعى ءا. بوكەيحان كوشەسى، 10 -مەكەنجايى بويىنشا ورنالاسقان. بىرەگەي عيمارات ەسىمى الەمگە ايگىلى بريتانيالىق ساۋلەتشى نورمان فوستەردىڭ جوباسى بويىنشا تۇرعىزىلعان. ونىڭ قۇرىلىسى 2013 -جىلدىڭ ناۋرىزىندا ءتامامدالدى.
جالپى اۋماعى 30 مىڭ شارشى مەتردەن استام عيمارات اسپانعا زەر سالعان كوزدىڭ قاراشىعىن بەينەلەيدى. ساۋلەتشىنىڭ ويى بويىنشا ونىڭ قايتالانباس سىرتقى كەلبەتى قازىرگى قازاقستاننىڭ ومىرشەڭ قۋاتىن، قارىشتاپ دامۋ باعدارىن بىلدىرەدى.
ەلباسى كىتاپحاناسىندا ۇلتتىق مادەني- تاريحي مۇراعا اينالعان زاماناۋي ەلەكتروندى- مۇراعات ينفراقۇرىلىمى جانە بىرەگەي اقپاراتتىق رەسۋرستار بار.
كىتاپحانادا عىلىمي جانە ءبىلىم بەرۋ ماقساتىندا الەمدىك باسىلىمداردىڭ، East View Information Services, Inc امەريكالىق كومپانيا مەرزىمدى باسىلىمدارىنىڭ ليتسەنزيالىق دەرەكقورلارىن، رەسەيلىك Polpred.com دەرەكقورىنا، تولىق ءماتىندى، انىقتامالىق- بيبليوگرافيالىق، رەفەراتيۆتى جۋرنالداردىڭ توپتامالارىن پايدالانۋعا جاعداي جاسالعان. ەلباسىنىڭ جەكە كىتاپحاناسى. پرەزيدەنتتىڭ جەكە كىتاپحاناسىن ءار جىلدارى قازاقستان رەسپۋبليكاسىنىڭ پرەزيدەنتى ن. ءا. نازاربايەۆقا سىيعا بەرىلگەن جانە ەلباسىنىڭ 1960 -جىلدان باستاپ جيناقتاعان جەكە (ءۇي) كىتاپحاناسى قورىنداعى كىتاپتار مەن باسىلىمدار قۇرايدى.
قازاقستان رەسپۋبليكاسىنىڭ تۇڭعىش پرەزيدەنتى - ەلباسى كىتاپحاناسىنىڭ قورىندا ن. ءا. نازاربايەۆتىڭ جەكە توپتاماسىنداعى جادىگەرلەر، مەرزىمدى جانە ەلەكتروندى باسىلىمدار جيناقتالعان: مەملەكەت باسشىلارى مەن ولاردىڭ رەسمي وكىلدەرىنىڭ سىيلىقتارى، ونەر تۋىندىلارى جانە تاريحي ءمانى زور قۇندىلىقتار. كىتاپحانا قورىندا سيرەك كەزدەسەتىن، كوللەكسيالىق جانە كونە باسىلىمدار ساقتالعان: مەملەكەت باسشىسىنا ميلانداعى امبروزيان كىتاپحاناسى تارتۋ ەتكەن لەوناردو دا ۆينچيدىڭ سىزبالارى بار البوم، ەلباسىنا قازاقستاندىق عارىشكەر ت. مۇسابايەۆ سىيلاعان عارىش ايلاعىندا بولعان قۇران، قاسيەتتى قۇراندار توپتاماسى، رەسەي يمپەراتورى الەكساندر Ⅱ كىتاپحاناسىندا ساقتالعان ف. شلوسسەردىڭ «ۆسەميرنايا يستوريا» كىتابى، 1838 -جىلى جارىق كورگەن ەنسيكلوپەديالىق لەكسيكون جانە باسقالارى. جەكە ارحيۆ. ەلباسىنىڭ جەكە ارحيۆىندە قازاقستان رەسپۋبليكاسى تۇڭعىش پرەزيدەنتىنىڭ مەملەكەتتىك جانە قوعامدىق قىزمەتىنە بايلانىستى 130 مىڭنان استام مۇراعات قۇجاتتارى، بىرەگەي ءومىرباياندىق، شىعارماشىلىق ماتەريالدار ساقتالعان. مەملەكەت باسشىسىنىڭ ءومىرى مەن قىزمەتىنىڭ باستى كەزەڭدەرى تۋرالى جەكە سيپاتتاعى قۇجاتتار اسا قۇندىلىعىمەن ەرەكشەلەنەدى: ۇلگەرىم تابەلى، كۋالىك، كورىكشىنىڭ رۇقسات قاعازى، قۇرمەت گراموتاسى، العىس حاتتارى، مانداتتارى، دەپۋتاتتىق بيلەتتەرى، اتا-انالارىنىڭ قۇجاتتارى جانە تۋعان جەرى جايلى مالىمەتتەر.
سونىمەن قاتار جەكە ارحيۆتەگى قۇجاتتار تاۋەلسىز جانە ەگەمەن قازاقستاننىڭ قالىپتاسۋ ءۇردىسىن، پرەزيدەنتتىك ينستيتۋتتىڭ قالىپتاسۋىن، جاس ەلدىڭ مەملەكەتتىك قۇرىلۋىن، جاڭا استانانىڭ قالىپتاسۋىن، زاڭ شىعارۋشى جانە اتقارۋشى بيلىكتىڭ كەمەلدەنۋىن، باسقارۋ اپپاراتىن جەتىلدىرۋدى، الەۋمەتتىك- ەكونوميكالىق، مادەني جانە ساياسي دامۋداعى جەتىستىكتەردى سيپاتتايدى.
ەكسپوزيتسيا- كورمە قىزمەتى. مەكەمە اشىلعان ۋاقىتتان بەرى كىتاپحانانىڭ جۇمىسىمەن 40 مىڭنان استام ادام تانىستى. ەلباسى كىتاپحاناسىنا ات باسىن بۇرعان مارتەبەلى مەيماندار قاتارىندا موناكو كنيازى البەر II، رەسەي فەدەراتسياسىنىڭ پرەزيدەنتى ۆلاديمير پۋتين، بەلارۋس رەسپۋبليكاسىنىڭ پرەزيدەنتى الەكساندر لۋكاشەنكو، قىرعىزستان رەسپۋبليكاسىنىڭ پرەزيدەنتى المازبەك اتامبايەۆ، ۋكراينا پرەزيدەنتى پەتر پوروشەنكو جانە تاعى باسقا رەسمي تۇلعالار بار. كىتاپحانادا 8 ەكسپوزيتسيالىق اۋماق بار. ەلىمىزدىڭ اتاۋلى جانە تاريحي ماڭىزدى كۇندەرىنە وراي تاقىرىپتىق كورمەلەر ۇيىمداستىرىلادى.
«پرەزيدەنت» ەكسپوزيتسياسى قازاقستان رەسپۋبليكاسىنىڭ پرەزيدەنتى ن. ءا. نازاربايەۆ تۇلعاسىن جان- جاقتى اشۋعا ارنالعان. قۇندى جادىگەرلەر ارقىلى مەملەكەت باسشىسىنىڭ جەكە زاتتارى، قولجازبالارى، ەڭبەكتەرى، ناگرادالارىمەن تانىسۋعا بولادى.
«پرەزيدەنت سىيلىقتارى» ەكسپوزيتسياسى ەلباسىنا ءار جىلدارى تارتۋ ەتىلگەن جانە تۇڭعىش پرەزيدەنتتىڭ ومىرىمەن جانە قىزمەتىمەن بايلانىستى سىيلىقتار گالەرەياسىنا اينالعان. ەكسپوزيتسيادا كادەسىيلار، قارۋ- جاراق، ۇستەل جانە قابىرعا ساعاتتارى، سپورتتىق كەرەك- جاراقتار قويىلعان.
ينتەراكتيۆتى ەكسپوزيتسيا قازاقستان رەسپۋبليكاسىنىڭ تۇڭعىش پرەزيدەنتى - ەلباسىنىڭ يدەيالارى مەن باستامالارىن، مەملەكەت باسشىسىنىڭ رەسپۋبليكانى قالىپتاستىرۋ مەن دامىتۋداعى ءرولىن، تاۋەلسىز قازاقستاننىڭ تاريحىن جان- جاقتى پاش ەتەتىن ءبىلىم بەرۋ كەشەنىنە اينالعان. ەلباسى كىتاپحاناسىنىڭ تالداۋ ورتالىعى ەلىمىزدىڭ تولايىم تابىستارى جانە دامۋ باسىمدىقتارىنا، مەملەكەت باسشىسىنىڭ جاھاندىق باستامالارىنا بايلانىستى جالپى الەمدىك ماسەلەلەردى زەردەلەۋگە باعىتتالعان حالىقارالىق فورۋمدار مەن ءىس- شارالاردى ۇيىمداستىرادى. مەكەمە ۇقساس ۇيىمدارمەن قويان- قولتىق جۇمىس جاساپ، ازەربايجاننىڭ، قىتايدىڭ، رەسەي فەدەراتسياسىنىڭ، ا ق ش، سينگاپۋردىڭ، تۇركيانىڭ، فرانسيانىڭ جانە باسقا مەملەكەتتەردىڭ ۇلى ساياسي كوشباسشىلارى مۇراسىن ساقتاۋ جانە ىلگەرىلەتۋ بويىنشا وزىق تاجىريبەنى زەردەلەيدى. جوبالار.
ەلباسى كىتاپحاناسى قازاقستاندىق جاستاردىڭ بويىنا وتان سۇيگىشتىكتى ۇيالاتۋ، مەملەكەت باسشىسىنىڭ جاسامپاز باستامالارىن ىلگەرىلەتۋ ماقساتىندا «الەمدى وزگەرتەتىن يدەيالار» الەۋمەتتىك جوباسىن قولعا الدى. ونىڭ شەڭبەرىندە ءبىلىم بەرۋ مەكەمەلەرىندەگى ۇزدىك وقۋشىلار مەن ستۋدەنتتەر ءۇشىن سەمينار- ترەنينگتەر ءار اپتا سايىن ۇيىمداستىرىلادى. مازمۇندى دارىستەر ارقىلى «بەس ينستيتۋتسيونالدىق رەفورمانى ىسكە اسىرۋ جونىندەگى 100 ناقتى قادام» ۇلت جوسپارىنىڭ ءمانى مەن ماڭىزدىلىعى تەرەڭ تۇسىندىرىلەدى.
اۆتور: رۋسلان عابباسوۆ
