جۇما كۇنى ەلىمىزدەگى جەتى وبلىستا ىستىق بولادى
رەسپۋبليكانىڭ وڭتۇستىگىندە جاۋىن- شاشىنسىز ىستىق اۋا رايى ساقتالادى، دەپ حابارلايدى قازگيدرومەت.
سولتۇستىك قازاقستان وبلىسىندا كەي جەرلەردە نايزاعاي، بۇرشاق بولۋى مۇمكىن، تۇندە جەل 15-20 م/س، كۇندىز باسىم بولىگىندە جەل 15-20, كەيدە ەكپىنى 23-28 م/س كۇشەيەدى. اقمولا، پاۆلودار، قاراعاندى، شىعىس قازاقستان وبلىستارىندا كەي جەرلەردە نايزاعاي، بۇرشاق بولۋى مۇمكىن، جەلدىڭ كۇشەيۋى 15-20 م/س، قاراعاندى وبلىسىندا ەكپىنى 25 م/س كۇتىلەدى.
كۇندىز قىزىلوردا وبلىسىنىڭ كەي جەرلەرىندە جەلدىڭ كۇشى 15-20 م/س كۇشەيەدى. ماڭعىستاۋ، قوستاناي وبلىستارىندا نايزاعايلى نوسەر بولۋى مۇمكىن، جەلدىڭ كۇشى 15-20 م/س بولادى. كۇندىز جامبىل، باتىس قازاقستان وبلىسىنىڭ كەي جەرلەرىندە جەلدىڭ كۇشى 15-20 م/س بولادى. كۇندىز قىزىلوردا وبلىسىندا وتە قاتتى ىستىق ساقتالادى، الماتى وبلىسىندا اپتاپ، كەي جەرلەردە وتە قاتتى ىستىق، جامبىل، وڭتۇستىك قازاقستان وبلىسىنىڭ كەي جەرلەرىندە، اقتوبە، پاۆلودار، قاراعاندى وبلىستارىندا قاتتى ىستىق اۋا رايى كۇتىلەدى.
قىزىلوردا، وڭتۇستىك قازاقستان، قاراعاندى، قوستاناي، اتىراۋ، باتىس قازاقستان، شىعىس قازاقستان وبلىستارىندا كەي جەرلەرىندە وتە جوعارى ءورت قاۋپى ساقتالادى.
