ەلباسى استانا اۋەجايىنا ءوز ەسىمىن بەرۋگە قاتىستى پىكىرىن ءبىلدىردى
- بۇل مەنىڭ باستامام ەمەس. مەن ىلعي دا بۇنداي باستامالارعا قارسى بولىپ كەلدىم. ءبىراق بۇنداي ۇسىنىس قايت- قايتا الدىمنان شىعا بەرەدى. سوعان قاراعاندا، ادامدار اتقارىلعان جۇمىستى كورىپ، سوعان ريزاشىلىعى مەن العىسىن بىلدىرگىسى كەلەتىن سەكىلدى، - دەدى پرەزيدەنت نۇرسۇلتان نازاربايەۆ.
- كەز كەلگەن ساياساتكەر، مەملەكەت باسشىسى تاريحتا اتقارعان ىسىمەن قالۋى كەرەك. باعا بەرەتىن ءبىزدىڭ بۋىن ەمەس، كەلەر ۇرپاق. مەن ۇلى فيلوسوف، ريم يمپەراتورى مارك اۆرەلييدىڭ ء«سىزدىڭ نەگە ءالى كۇنگە ەسكەرتكىشىڭىز جوق؟ » دەگەن سۇراققا: «مەن كەيىن ادامدار مىنا ەسكەرتكىش كىمنىڭ ەسكەرتكىشى دەپ سۇراعانىن قالامايمىن. كەرىسىنشە، «مىنا ادامعا نەگە ءالى ەسكەرتكىش قويىلماعان؟»- دەپ سۇراعانىن قالايمىن»، - دەگەن جاۋابىن ءجيى ەسىمە الامىن.
ايتا كەتەيىك، «قازاقستان بولاشاققا كوز تىگەدى» اتتى ارنايى رەپورتاج رەسەيدىڭ تانىمال «روسسيا 24» تەلەارناسىندا جاريالانعان بولاتىن. ەلباسى نۇرسۇلتان نازاربايەۆ تەلەارنانىڭ ءتىلشىسى روبەرت فرانسيەۆكە بەرگەن سۇحباتى نەگىزىندە جاسالعان رەپورتاجدا ق ر پرەزيدەنتى استانانىڭ سالىنۋ تاريحى تۋرالى، ەلوردا اۋماعىنداعى جاسىل بەلدەۋدىڭ دامۋى، ەلدىڭ بىتىمگەرلىك ميسسياسىنىڭ نەگىزگى ماقساتتارى، ەل ەكونوميكاسىن جاڭعىرتۋ، يندۋستريالىق- يننوۆاتسيالىق جاڭعىرتۋ باعدارلاماسىنىڭ قورىتىندىسى تۋرالى ايتىپ بەردى.
اۆتور: ەربول جانات
