قازاقستاندىقتار اپتاعان ىستىقتا ادامداردى تەگىن تاسۋعا شاقىرىلدى

مۇنداي يگى ىسكە حالىقتى قالا تۇرعىنى ەرلان كۇمىسقاليەۆ جۇمىلدىردى.

بۇل تۋرالى Stan.kz حابارلايدى.

 «بارىنەن بۇرىن جول بويىندا تۇرعان ادامدار ىستىقتان زارداپ شەگۋدە. كەشە اپتاعان ىستىقتا اۆتوبۋس كۇتىپ تۇرعان كوپتەگەن ادامداردى كوردىم. كولەڭكەنىڭ وزىندە 40, ال اشىق جەرلەردە 50 گرادۋس ىستىق بولدى. كۇتىپ تۇرعانداردىڭ اراسىندا بالالار دا، قاريالار دا بار. ال كوشەدە قانشاما كولىك بوس كەتىپ بارادى. ءبىر- بىرىمىزگە كومەكتەسەيىكشى. ەڭ قۇرىعاندا، جولىڭىز تۇسكەن جاققا باراتىن جانداردى الا كەتىڭىز» ، - دەپ جازدى ەرلان كۇمىسقاليەۆ ەسىمدى قولدانۋشى Facebookتەگى پاراقشاسىندا.

اتالعان جازبانى 260 ادام بولىسكەن. اۆتوكولىك جۇرگىزۋشىلەرىنىڭ ەرلاننىڭ باستاماسىن قولداعانى الەۋمەتتىك جەلىدەن بەلگىلى بولدى.

ايتا كەتەيىك، اتىراۋدا قاتتى ىستىقتا ادامدارعا اباي بولۋ جونىندە ەسكەرتۋ جاسالدى. سينوپتيكتەردىڭ بولجامىنشا، ءالى بىرنەشە كۇن ايماقتاعى اۋا تەمپەراتۋراسى 39-42 گرادۋس كولەمىندە بولماق.