استانادا اۆتوموبيل وزەنگە قۇلاپ كەتتى
استانا. قازاقپارات - «Chevrolet aveo» ءاۆتوموبيلى تۇران كوشەسىندەگى كوپىردەن قۇلاپ كەتتى، دەپ حابارلايدى «قازاقپارات» ح ا ا ءتىلشىسى.
«3 -شىلدە كۇنى ساعات 02.00 دە تۇران كوشەسىندەگى كوپىردىڭ استىندا «Chevrolet aveo» ماركالى اۆتوماشينانىڭ جۇرگىزۋشىسى رۋلگە يە بولا الماي، وزەنگە قۇلاپ كەتتى. زارداپ شەگۋشىلەر جوق»، - دەپ حابارلادى استانا قالالىق ءى ءى د باسپا ءسوز قىزمەتىنىڭ باسشىسى سوفيا قىلىشبەكوۆا.
ونىڭ اقپاراتى بويىنشا، كولىك ارنايى تەحنيكانىڭ كومەگىمەن وزەننەن شىعارىلعان. «جۇرگىزۋشىگە قاتىستى اكىمشىلىك ماتەريال تولتىرىلدى»، - دەدى سوفيا قىلىشبەكوۆا.
