ۇلتتىق ارنا تەلەجۇرگىزۋشىلەرگە كاستينگ جاريالادى

«ەگەر ءسىز تەلەجۇرگىزۋشى بولۋدى ارمانداساڭىز، «ءسوز ساپتاۋ قابىلەتىم جوعارى، ءتۇر- كەلبەتىم لايىقتى» دەپ ساناساڭىز، ۇلتتىق ارنانىڭ جاڭا ماۋسىمعا جاريالاعان كاستينگىنە قاتىسۋعا اسىعىڭىز!»، - دەلىنگەن حابارلامادا.

كاستينگ 12-14 - شىلدە كۇندەرى استاناداعى قازمەديا ورتالىعىندا وتەدى. وعان 25-35 جاس ارالىعىنداعى جىگىتتەر مەن 22-30 جاس ارالىعىنداعى قىزدار قاتىسا الادى. ۇمىتكەرلەرگە جوعارى فيلولوگيالىق نەمەسە جۋرناليستىك ءبىلىم، تەليەۆيزياعا ساي كورىك جانە ءتىل تازالىعى سىندى تالاپتار قويىلادى. تولىق اقپارات «قازاقستان» تەلەارناسىنىڭ رەسمي سايتىندا جاريالانعان.

 اۆتور: ايجان سەرىكجان قىزى