قىتايداعى سۋ تاسقىنىنان زارداپ شەككەندەرگە قاراجاتتى ديماش ءوزى اۋدارماعان
بۇل تۋرالى ءانشىنىڭ اكەسى قانات ايتبايەۆ ءوزىنىڭ فەيسبۋكتەگى پاراقشاسىندا مالىمدەدى، دەپ حابارلايدى قازاقپارات.
«مەن ءوزىمىز جونىندەگى كوپ جاڭالىقتى باسپا ءسوز بەتىنەن بىلەمىن.. . ديماش كورشى ەلدىڭ سۋ باسقان ايماعىنا پالەن ميلليون اۋدارىپتى دەگەندى دە جاريالاپتى. ءار ەلدىڭ سالتى باسقا - ديماشتىڭ ونەرىنە ءتانتى قىتايلىق فيرما ءوز جەرلەستەرىنە كومەكتەسىپ، ءبىزدىڭ بالانىڭ اتىنان قاراجات اۋدارىپتى. (ديماش ول دەڭگەيگە ءازىر جەتە قويعان جوق. ) بىزگە دە، وزدەرىنە دە جاقسىلىق جاساعىسى كەلگەن بولار.. .» ، - دەپ جازدى ءانشىنىڭ اكەسى.
بەلگىلى بولعانداي، سۋ تاسقىنىنان زارداپ شەككەندەرگە قاراجاتتى ديماشتىڭ اتىنان ءانشىنىڭ قىتايداعى پروديۋسەرلىك كومپانياسى BG Talent اۋدارعان.
اۆتور: ريزابەك نۇسىپبەك ۇلى
