اراب ەلدەرى كاتارعا قويىلعان تالاپتىڭ ورىندالۋ مەرزىمىن ۇزارتتى

ەسكە سالا كەتسەك، 5 - ماۋسىم كۇنى ساۋد ارابياسى، باحرەين، بىرىككەن اراب امىرلىكتەرى جانە مىسىر كاتارمەن ديپلوماتيالىق قارىم- قاتىناسىن ءۇزدى. ولار بۇل ەلگە لاڭكەستىكتى قولداپ، تاياۋ شىعىستاعى جاعدايدى ۋشىقتىرىپ ءجۇر دەگەن ايىپ تاققان. كەيىنىرەك ولارعا تاعى بىرنەشە ەل قوسىلدى. ال جاعدايدى تۇزەۋ ءۇشىن دوحاعا ءوز تالاپتارىن قويدى. ولاردىڭ نەگىزگىسى: كاتاردىڭ يرانمەن بايلانىسىن ءۇزىپ، ەلدەگى تۇركيانىڭ اۋە بازاسىن جابۋ جانە ۇكىمەت قارجىلاندىراتىن Al Jazeera ارناسىنىڭ جابىلۋى. ال كاتار ۇكىمەتى بۇل قابىلداۋعا كەلمەيتىن جانە ورىندالۋى مۇمكىن ەمەس شارتتار ەكەنىن مالىمدەگەن.

www.24.kz