ءۇندىستاندىق بالا ەينشتەيننەن اسىپ ءتۇستى
استانا. قازاقپارات - ۇلى بريتانيادا تۇراتىن 11 جاستاعى ءۇندىستان تۋماسى IQ تەستىنەن 162 بالل جيناپ، پاراساتتىلىق كوەففيتسيەنتى بويىنشا اتاقتى فيزيكتەر البەرت ەينشتەين مەن ستيۆەن حوكينگتەن اسىپ تۇسكەن.
ارناۆ شارما سىناققا دايىندىقسىز كەلسە دە، ونىڭ اسا قيىن بولماعانىن ايتادى.
جەتكىنشەكتىڭ ماتەماتيكا مەن گەوگرافيادان قابىلەتى جوعارى. بۇدان بولەك ءان ايتىپ، بي بيلەيدى. سونداي- اق مۋزىكالىق اسپاپتا ويناپ، سپورتپەن شۇعىلدانادى ەكەن. قازىر دارىندى بالا رەدينگ قالاسىنىڭ ىرگەسىندەگى مەكتەپكە بارادى. الايدا كورولدىكتەگى بەدەلدى ءبىلىم وردالارى يتون كوللەدجى مەن ۆەستمينستەر كوللەدجى وعان وقۋىن وزدەرىندە جالعاستىرۋدى ۇسىنىپتى.
ارناۆ شارما، جەرگىلىكتى تۇرعىن:
- تەست 2 جارىم ساعاتقا سوزىلدى. قيىن بولدى دەپ ايتا المايمىن. الايدا ۋاقىت تاپشىلىعىنان كەيبىر سۇراقتارعا ءۇستىرت جاۋاپ بەرۋگە تۋرا كەلدى.
www.24.kz
