بۋرابايدا تاۋىق جۇمىرتقاسىنداي بولاتىن بۇرشاق جاۋدى، زارداپ شەككەندەر بار - فوتو، كەسكىن
زارداپ شەككەندەر بار، ونىڭ اراسىندا بالالار دا بار، - دەپ حابارلايدى tengrinews.kz ءتىلشىسى.
اۋداندىق "اۆيتسەننا بۋراباي" ەمحاناسىنىڭ باس دارىگەرى الما قۇرمانوۆانىڭ ايتۋىنشا، التى ادام ءار ءتۇرلى دەنە جاراقاتىمەن مەديتسينالىق كومەككە جۇگىنگەن. زارداپ شەككەندەردىڭ ءبىرى اۋداننىڭ 55 جاستاعى تۇرعىنى اۋرۋحاناعا جاتقىزىلدى، ونىڭ ميى زاقىمدالعان.
تاعى ەكى ادامنىڭ اياعى سىنعان، ولار امبۋلاتورلىق كومەككە جۇگىندى. جاراقات العانداردىڭ قاتارىندا بالالار دا بار: 2003، 2005 جانە 2010 -جىلدارى تۋعان. ولاردى اتا-انالارى اۋرۋحاناعا جاتقىزۋدان باس تارتتى. تاعى ەكى ادام جەڭىل جاراقات العان. ولار ۇيلەرىنە قايتارىلدى. 
ءوز كەزەگىندە اقمولا وبلىستىق ت ج دەپارتامەنتىنىڭ وكىلدەرى اۋا رايى وسىنداي بولادى دەپ كۇتىلگەنىن، الايدا بۇرشاقتاردىڭ مۇنداي كولەمدە تۇسەتىنىن كۇتپەگەنىن ايتادى.
قازىرگى ۋاقىتتا جىلجىمايتىن مۇلىكتەرى بۇلىنگەندەردىڭ ارىزى قابىلدانىپ جاتىر. شىعىن مولشەرى ەسەپتەلىپ جاتىر.
