مەيرامبەك بەسپايەۆ ارىپتەستەرىنە: اركىم تابيعاتىنا ساي ءاندى عانا ايتسىن
بۇل تۋرالى«جۇلدىز»ارناسىنا بەرگەن سۇحباتىندا ايتتى.
«ءانشى ەكەنمىن دەپ كەز كەلگەن ءاندى ايتا بەرۋگە بولمايدى. اركىم ءوزىنىڭ تابيعاتىنا ساي، وزىنە جاراساتىن، جۇرەگىنەن وتكەن ءاندى عانا ايتۋى ءتيىس. باس سالىپ ءبىر ءاندى تۇرتپەكتەپ، شيكى دۇنيە شىعارعان دۇرىس ەمەس»، - دەيدى مەيرامبەك بەسپايەۆ.
استانا قالاسىندا مۋزارت توبىنىڭ كونسەرتى وتكەننەن كەيىن ولاردىڭ ۇستازى التىنبەك قورازبايەۆ جەكە ءان كەشىن بەرمەك. ءانشى ءدال وسىنداي كەشتەردىڭ حالىق ءۇشىن تاربيەلىك ءمانى زور ەكەنىن ايتىپ جاتىر.
«التىنبەك قورازبايەۆ كوكەمىزگە جىلىنا قانشا كونسەرت بەرسە دە جاراسادى. ويتكەنى، مۇنداي تۇلعالار بىزگە كەرەك. سول كىسىنىڭ انىمەن وسكەن ءبىرتالاي ۇرپاق بار. ءالى دە عاسىردان عاسىرعا كەتەتىن اندەرى بار دەگەن ويدامىن. ەكسپو اياسىندا كوكەمىزگە كوڭىل ءبولىنىپ، كيەلى ساحنادا كونسەرتىنىڭ وتەتىنىنە قۋانىشتىمىن. ۇستازىم ءۇشىن دە، حالىق ءۇشىن دە شەكسىز ريزامىن. ويتكەنى، قازىر مۇنداي مىقتى كومپوزيتورلاردىڭ كونسەرتتەرى سيرەپ كەتتى»، - دەيدى ءانشى.
