نيۋ-يوركتىڭ بەلدى گازەتى ترامپقا ءۇش سوزدەن تۇراتىن ماقالا ارنادى
استانا. قازاقپارات - The New York Times گازەتى ا ق ش پرەزيدەنتى دونالد ترامپتىڭ Twitter ميكروبلوگىنداعى بەلسەندىلىگىنە ماقالا ارنادى، دەپ حابارلايدى قازاقپارات رەسەي جاڭالىقتار اگەنتتىگىنە سىلتەمە جاساپ.
اتاپ وتەرلىگى، ماقالا ءماتىنى ءۇش-اق سوزدەن تۇردى. «توقتا. جاي عانا توقتا»، - دەلىنگەن وندا.
گازەتتىڭ بۇل سوزدەرى امەريكا پرەزيدەنتىنىڭ MSNBC تەلەارناسىنداعى Morning Joe تاڭعى باعدارلاماسىنىڭ جۇرگىزۋشىلەرىمەن ەرەگىسىنە جاۋاپتى رەاكسيا بولدى.
اتاپ ايتقاندا، ارنا جۇرگىزۋشىلەرى ميكا بجەزينسكي مەن دجو سكاربورو ا ق ش پرەزيدەنتىنىڭ اتىنا سىن ايتقان. وسىدان كەيىن ترامپ ەكى جۋرناليسكە ءتىل تيگىزىپ، Twitter- دە بجەزينسكيدى «ەسى اۋىسقان»، ال ونىڭ ارىپتەسىن - «ەسالاڭ» دەپ اتادى.
پرەزيدەنت سونداي-اق ەكى جۇرگىزۋشى دە وعان جاڭا جىلعا قوناققا كەلۋگە سۇرانعانىن، ال بجەزينسكيدىڭ بەتى سول كەزدە پلاستيكالىق وتادان كەيىن قانتالاپ تۇرعانىن اتاپ وتكەن.
امەريكالىق ساياساتكەرلەر ترامپتىڭ ءسوزىن نازارسىز قالدىرمادى جانە جۇرگىزۋشىلەرگە قارسى مۇنداي ارەكەتىن سىنعا الدى. بۇدان بۇرىن ساۋالناما ناتيجەسى امەريكالىقتار ترامپتىڭ Twitter- دەگى جەكە اككاۋنتى بۇعاتتالعانىن قالايتىنىن كورسەتكەن بولاتىن.
