ديماشتىڭ «باستاۋ» شوۋىنداعى كوستيۋمدەرى نەگە قارا ءتۇستى؟
كوبىنەسە نازىك جاندىلارعا كيىم دايارلايتىن ديزاينەردىڭ ديماشقا كيىم تىگۋى كوپشىلىكتىڭ تالقىسىنا ءتۇستى.
بۇل تۋرالى ن ت ك ارناسىنىڭ «ريەۆيۋ» باعدارلاماسى حابارلادى.
I am a Simger جوباسى ديماش قۇدايبەرگەنوۆتىڭ اتاعىن عانا اسقاقتاتقان جوق، وزىندىك ستيلىن قالىپتاستىردى. «سلاۆيان بازارىنداعى» ديماش قۇدايبەرگەنوۆ پەن بۇگىنگى ديماشتىڭ بويىنداعى وزگەرىس كوزگە ۇرىپ-اق تۇر.
«جىلتىر كوستيۋم كيگەن ءبىزدىڭ ەسترادامىزداعى ەسەپسىز توي انشىلەرى سىندى وبرازىنا قايتا ورالعانىن قالامادىم. قىتايلىق ستيليستەر قالىپتاستىرىپ ۇلگەرگەن ەستەتيكانى جالعاعىم كەلدى»، - دەيدى ساكەن جاقسىبايەۆ.
ساكەن جاقسىبايەۆتىڭ ايتۋىنشا، ديماشتىڭ يميدجىن قالىپتاستىرۋ جولىندا كاسىبي كوماندا جۇمىس ىستەيدى. «باستاۋ» كونسەرتىندەگى كوستيۋمدەردى تىگۋدى جەڭىپ الۋ ءۇشىن وتاندىق سانگەرلەرمەن تەندەرگە ءتۇستىم دەيدى ول. مادەنيەت مينيسترلىگى ارنايى قۇرعان كوميسسيا ۇسنىلعان ەسكيزدەردىڭ اراسىنان ۇزدىكتەرىن تاڭداپ، 7 وبرازدى دا تىگۋدى ساكەن جاقسىبايەۆقا تاپسىرعان.
«ديماشتىڭ ءوزى دە سوڭعى تەندەنتسيانىڭ بارىنەن حابارى بار، جان قالاۋىن انىق بىلەدى ەكەن. بىردەن ىڭعايلى، مۇسىنىنە جاراسىمدى پىشىمدەردى كورسەتتى»، - دەپ جالعادى ءسوزىن ديزاينەر.
ەكسپەريمەنتكە قۇشتار، ۇسىنىستارعا اشىق. ديماشتىڭ بۇل قىرى ونىمەن جەڭىل ءتىل تابىسۋىمىزعا سەپ بولدى دەيدى سانگەر. دەگەنمەن ءانشىنىڭ وبرازدارى نەگە تەك ەكى رەڭكپەن شەكتەلگەن؟
«بۇل كلاسسيكا، اق پەن قارانىڭ ۇيلەسىمى ءارقاشان ۇتىمدى كورىنەدى. ونىڭ ۇستىنە قويۋشى رەجيسسەرمەن اقىلداسا وتىرىپ، شوۋدىڭ باعىتىنا ساي وبرازدار جاسادىق»، - دەدى ساكەن جاقسىبايەۆ.
