قازاقستاندىق تانىمال ۆەلوسيپەدشى قىز كوز جۇمدى
قازاقستان ۆەلوسيپەد سپورتىنىڭ فەدەراتسياسى تاراتقان اقپاراتقا سايكەس، 17 جاستاعى سپورتشى الماتىدا ءوتىپ جاتقان IV جاستار سپورتتىق ويىندارىندا ەسىنەن تانىپ قۇلاعان.
جەدەل جاردەم بريگاداسى دانانى №7 اۋرۋحاناعا الىپ كەلگەن. بۇگىن ول ەسىن جيماستان قايتىس بولدى. دانا احمەتوۆا سولتۇستىك قازاقستان وبلىسىنىڭ دارىندى بالالارعا ارنالعان مامانداندىرىلعان مەكتەپ- ينتەرناتىندا ءبىلىم العان. قازاقستان رەسپۋبليكاسىنىڭ سپورت شەبەرى 2016 -جىلدان باستاپ وليمپيالىق دايىندىق ورتالىعىنىڭ سپورتشىلارى تىزىمىنە الىنعان.
«دانا احمەتوۆا وتە دارىندى سپورتشى بولاتىن. جارىستاردا جەڭىسكە دەگەن ۇمتىلىسى ەرەكشە ەدى. ماۋسىم باستالعالى بەرى جاستار ويىندارىنىڭ شوسسەدەگى سايىسىندا - كۇمىس، ترەكتەگى سايىستا - 2 قولا مەدالىن يەمدەنگەن بولاتىن. ونىڭ قازاسى بارلىق ۆەلوقاۋىمداستىق مۇشەلەرى ءۇشىن اۋىر قايعى بولىپ وتىر. ونىڭ وتباسىنا قايعىرىپ كوڭىل ايتامىز»، - دەدى قازاقستان ۆەلوسيپەد سپورتىنىڭ فەدەراتسياسىنان.
اۆتور: گۇلميرا عوسمانالي
