ولگەنى وتىرىك بولۋى مۇمكىن اتاقتى سەگىز ادام

Tviget.net سايتى ولگەنى وتىرىك بولۋى مۇمكىن اتاقتى سەگىز ادامعا توقتالىپتى. سونى اۋدارىپ، Caravan.kz وقىرماندارىنىڭ نازارىنا ۇسىنعاندى ءجون كوردىك.

1. ەلۆيس پرەسلي

روك- ن- رولل كورولى 1977 - جىلدىڭ 16 - تامىزىندا ومىردەن ءوتتى. ءبىراق الەۋمەتتىك ساۋالناما قورىتىندىسى بويىنشا، ا ق ش حالقىنىڭ ۇشتەن ءبىرى ەلۆيس ءتىرى، ال مولاسىندا ونىڭ بالاۋىز بەينەسى عانا جاتىر دەپ ەسەپتەيدى ەكەن. ويتكەنى پرەسليدىڭ قارتايعان شاعىن الەمنىڭ ءار قيىرىنان كورگەندەر بار- مىس. كوپتەگەن ادامدار ەلۆيس شوۋ- بيزنەس الەمىنەن جالىعىپ، تىنىش جەرگە بارعان دەپ ويلايدى. باسقا بولجام بويىنشا، ول ءوزىنىڭ جامان ادەتتەرىنەن ەمدەلۋ ءۇشىن كەتكەن.

2. تۋپاك شاكۋر

امەريكالىق رەپەر 1996 - جىلدىڭ قىركۇيەگىندە قاستاندىقپەن ولتىرىلگەن دەلىندى. الايدا ونىڭ دا فاناتتارى تۋپاك ءوزىن وتىرىكتەن ولدىگە ساناتۋدى ءجون كورگەن. ءسويتىپ، 25 جاستاعى رەپەر كوپتەگەن جاۋلارىنان جاسىرىنباق بولعان. جۇرتتىڭ بۇلاي ويلاۋىنا مىنا جايتتار سەبەپ: كۋاگەرلەردىڭ سوزدەرىنىڭ ءبىر- بىرىنە قاراما- قايشى بولۋى، دەنەسىن سويىپ تەكسەرگەندەگى فوتوسۋرەتتىڭ تۋپاكقا ۇقساماۋى، سونداي- اق، وسى تەكسەرۋدى جاساعان پاولوگواناتومنىڭ ءىزىم- عايىم جوق بولىپ كەتۋى.

3. پول ۋوكەر

«فورساج» فيلمدەر سەرياسىنداعى رولدەرىمەن كوبىرەك تانىمال اكتەر، رەسمي دەرەك بويىنشا، 2013 -جىلدىڭ 30 قاراشاسىندا جول اپاتىنان قازا تاپقان. ال فاناتتار بۇل مالىمەتكە بىردەن كۇمانمەن قارادى. بۇعان قاتىستى ءارتۇرلى بولجامداردى بوس ءسوز دەۋگە بولادى. ءبىراق باقىلاۋ كامەرالارىندا بەينەجازبانىڭ بولماۋى، پولدىڭ كولىگىنىڭ ءنومىرى مەن وقيعا ورنىندا بولعان كولىك ءنومىرىنىڭ سايكەس كەلمەۋى قاراپايىم فاناتتارمەن قاتار اكتەردىڭ جاقىندارىنىڭ دا كۇمانىن تۋدىرىپ وتىر.

4. دجيم مورريسون

رەسمي نۇسقا بويىنشا، The Doors توبىنىڭ ءانشىسى 1971 -جىلدىڭ 3 - شىلدەسىندە گەرويندى شامادان تىس قولدانۋ سالدارىنان قايتىس بولعان. توپتىڭ فاناتتارىنىڭ كوبى مورريسوننىڭ ولگەنى نە وتىرىك، نە ونى ولتىرگەن دەپ ەسەپتەيدى. ءبىرىنشى بولجام راس بولسا، ءانشى الاڭسىز ءومىر ءسۇرۋ ءۇشىن تىنىش جەرگە كەتىپ قالعان. ال ەكىنشى بولجامعا سالساق، ءدجيمدى 60-70- جىلدارى بار كۇشىن سالىپ حيپپيگە قارسى كۇرەس جۇرگىزگەن فەدەرالدىق تەرگەۋ بيۋروسىنىڭ تىڭشىلارى ولتىرگەن.

5. يۋري گاگارين

عارىشقا ەڭ العاشقى بولىپ ۇشقان ادام 1968 -جىلدىڭ 27 - ناۋرىزىندا اسپانداعى جاتتىعۋ كەزىندە قازا تاپتى. ءبىراق سول تۇستا ك س ر و ۇكىمەتىندە ىستەگەندەردىڭ ايتۋىنشا، گاگاريننىڭ سوكپ باس حاتشىسىمەن جانە ونىڭ اينالاسىنداعىلارمەن اراسى ونشا بولماپتى. سوندىقتان ونىڭ ولگەنى وتىرىك دەگەن بولجام بار. ونى جۇرتتىڭ كوزىنەن تاسا قىلۋ ءۇشىن ءبىر جەرگە قاپام قويۋى مۇمكىن. تاعى ءبىر بولجام بويىنشا، گاگاريننىڭ اتالعان كۇنى ولگەنى راس، ءبىراق بۇل جازاتايىم جاعداي ەمەس.

6. مايكل دجەكسون

بۇكىل الەمگە تانىمال ءانشى، مۋزىكانت، ءبيشى، الترۋيست 2009 -جىلدىڭ 25 - ماۋسىمىندا پروپوفولدى شامادان تىس قولدانۋ سالدارىنان ولگەن. ال بۇل ءدارىنى وعان ءوزىنىڭ جەكە دارىگەرى سالعان. مايكل ولگەن بولۋى دا، ولمەگەن بولۋى دا مۇمكىن. قالاي دەسەك تە، پوپ كورولىنىڭ تۋرىن وتكىزگەن كومپانيا ول قايتىس بولعاننان كەيىن قوماقتى وتەماقى الدى. ونىڭ ءوزى ءبىر سوزىندە قاتتى شارشاعانىن، تىنىش جەرگە كەتكىسى كەلەتىنىن ايتقان. ءتىپتى ونىڭ سوڭعى تۋرى «That is it» («وسىمەن ءبىتتى» ) دەپ اتالدى.

7. ۋساما بەن لادەن

بەن لادەننىڭ ولگەنى تۋرالى حابار 2001 جانە 2010 -جىلدار ارالىعىندا التى رەت تارادى. ەندى ونىڭ جەتىنشىسى قالاي راس بولىپ شىعادى؟ رەسمي مالىمەت بويىنشا، №1 لاڭكەس پاكىستاندا ءوز باس ساۋعالاپ وتىرعان جەردە ارنايى وپەراتسيا بارىسىندا ولتىرىلگەن. دەنەسىن تەڭىزگە لاقتىرىپ تاستاپتى. ويتكەنى ا ق ش- تىڭ ارنايى قىزمەتتەرى ۋساما بەن لادەننىڭ مولاسى بۇكىل الەمنىڭ لاڭكەستەرى بارىپ ءتاۋ ەتەتىن جەرگە اينالىپ كەتپەسىن دەگەن. « ءال قايدا» باسشىسىنىڭ ءولى دەنەسىن ەشكىم كورمەگەندىكتەن، قازا تاپقانى وتىرىك دەگەن بولجام پايدا بولدى.

8. ادولف گيتلەر

ەكىنشى دۇنيەجۇزىلىك سوعىستى باستاعان قاندىقول ديكتاتور 1945 -جىلدىڭ 30 - ساۋىرىندە ۋ ءىشىپ، سوسىن ءوز- ءوزىن باسىنان اتىپ ولگەن. سولاي دەپ تاريح وقۋلىقتارىندا جازىلدى. ال فيۋرەردىڭ اينالاسىنداعىلار ونىڭ وزىنە قول سالعانىنا سەنگەن جوق. مىناداي بولجام بار: گيتلەر مەن ونىڭ ايەلى ەۆا براۋن بۋنكەردە وزدەرىنە ۇقساس ادامداردىڭ ءمايىتىن قالدىرىپ، بوي تاسالاپ كەتكەن. ءسويتىپ، ەكەۋى دە ءومىرىنىڭ سوڭىنا دەيىن باسقا ەسىممەن جۇرگەن كورىنەدى.