شىعىس قازاقستان وبلىسىندا حالىقارالىق اقىندار ايتىسى وتەدى
وتكەن جىلى عانا اقسۋات اۋىلىندا رەسپۋبليكالىق دارەجەدە اقىندار ايتىسى وتكەن. بيىل ۇيىمداستىرۋشىلار كورشى مەملەكەتتىڭ اقىندارىن شاقىرىپ وتىر ەكەن.
«امانشىلىق بولسا، بيىلعى ايتىس حالىقارالىق دارەجەدە وتەدى. قىتاي، موڭعوليا، قىرعىز رەسپۋبليكاسىنان اقىنداردى شاقىرىپ وتىرمىز. جىر سايىسىندا قازاقتىڭ اقىندارىمەن قىرعىز اقىندارى دا ۇزەڭگى سوعىستىرىپ ءجۇر. ايتىس 29 - شىلدە كۇنى اقسۋات اۋىلىنىڭ ورتالىق الاڭىندا وتەدى»، - دەيدى دەمەۋشىلىك كورسەتىپ وتىرعان تاستەكەيەۆتەر اۋلەتىنىڭ وكىلى دۋلات تاستەكەيەۆ.
اقىنداردىڭ ءتىزىمى بەلگىلەنىپ قويعان. شامامەن 6-7 جۇپ سىنعا تۇسەدى. ولاردىڭ اراسىندا وسى ۋاقىتقا دەيىن وزدەرىن مويىنداتىپ ۇلگەرگەن رينات زايىتوۆ، جانسايا مۋسينا، مۇحتار نيازوۆ، اسپانبەك شۇعاتايەۆ، قاليجان بىلداشيەۆ، ماقسات اقانوۆ، تولەگەن جامانوۆ، اسەم ەرەجە قىزى سىندى بەلگىلى اقىندار بار.
دەمەۋشىلەر جۇلدە قورىنا قوماقتى سوما تىگىپ وتىر. بۇعان قوسا ولار اقىنداردىڭ بارلىق جول، تاماق، ءۇي جايى شىعىنىن كوتەرىپ الماق. ايتىستى ءجۇرسىن ەرمان جۇرگىزەدى. قازىلار القاسىنىڭ قۇرامىندا داۋلەتكەرەي كاپ ۇلى، سەرىك قاليەۆ، ەركىن جاپپاس ۇلى، بەرىك ءۋالي مەن نادىربەك ابسالياموۆتار بار.
ايان بەكەن ۇلى
