اتىراۋدا «تابليعي جاماعات» ەكسترەميستىك ۇيىمىنىڭ مۇشەلەرىنە قاتىستى سوت ۇكىمى شىقتى

سوتتالۋشىلاردىڭ بارلىعى دا قازاقستاندا تىيىم سالىنعان «تابليعي جاماعات» ەكسترەميستىك ۇيىمىن ۇيىمداستىرىپ، ۇيىم جۇمىسىنا قاتىسقانى ءۇشىن كىنالى دەپ تانىلدى، دەپ حابارلايدى «قازاقپارات» ح ا ا ءتىلشىسى اتىراۋ وبلىستىق سوتىنىڭ باسپا ءسوز قىزمەتىنە سىلتەمە جاساپ.

سوت پروتسەسى بارىسىندا انىقتالعانداي، «تابليعي جاماعات» ۇيىمىنىڭ بارلىق مۇشەلەرى ءۇندىستان، پاكىستان، بانگلادەش جانە ب ا ءا ەلدەرىندەگى وقۋ ورتالىقتارىندا ءدىني ءبىلىم العان. وقۋدى اياقتاعاننان كەيىن سوتتالۋشىلار الدىمەن تىيىم سالىنعان ەكسترەميستىك ۇيىمنىڭ يدەياسىن الماتى، كەيىن 2016 -جىلى ماڭعىستاۋ مەن اتىراۋ وبلىستارىندا تاراتا باستاعان. ۇستالعان ۋاقىتتا ولاردان ورىس جانە قىرعىز تىلدەرىندەگى ءدىني وقۋلىقتار تاركىلەنگەن. سوتتا سوتتالۋشىلار كىناسىن ءىشىنارا مويىندادى. ولارعا قاتىستى «قاماۋدا ۇستاۋ» شاراسى وزگەرىسسىز قالدى.

سوتتالۋشىلاردىڭ ءبارى دە وتباسىلى، بالالى بولعان. سوت ۇكىمىمەن ەكسترەميستىك ۇيىمنىڭ 6 مۇشەسى ق ر ق ك 405-بابى 1 جانە 2 بولىگى بويىنشا كىنالى دەپ تانىلدى. ۇكىم بويىنشا، ۇيىمنىڭ ەڭ بەلسەندى مۇشەسىنە 3 جىل باس بوستاندىعىنان ايىرۋ جازاسى تاعايىندالدى. ال قالعان بەسەۋى 2 جىلعا توعىتىلدى. سونداي- اق ولار ەكىدەن ءۇش جىلعا دەيىن قازاقستاندا رۇقسات ەتىلگەن ءدىني ۇيىمدار مەن بىرلەستىكتەردە ءدىني ۋاعىز جۇرگىزۋ قۇقىعىنان ايىرىلدى.